Blogger Templates

பல இணைய தளங்களிலிருந்து சேகரித்தவைகளை பலருக்கும் பயனாக அமையும் என்ற நோக்கம் கருதி இந்த - Blogல் பதிந்துள்ளேன்

- பொன்.சுதாகர்

Monday, October 31, 2016

நாம் பார்த்த இணையதளங்களின் முகவரிகள் நாம் மட்டுமே பார்க்கும் வகையில் அமைத்துக் கொள்ள

ஒரு இலவச புரோகிராம் உள்ளது. அதன் பெயர் xmarks. 
இதனை www.xmarks.com என்ற இணைய தளத்தில் பெறலாம். இந்த தளம் சென்று, இதற்கான Install Now பட்டனை அழுத்தவும்.

இதனை இன்ஸ்டால் செய்த பின்னர், அக்கவுண்ட் ஒன்றை உருவாக்கவும். 

யூசர்நேம், பாஸ்வேர்ட் மற்றும் மின் அஞ்சல் முகவரிகளைத் தரவும்.

இவற்றின் மூலம், எக்ஸ்மார்க்ஸ் தளம் சென்று, எந்த பிரவுசர் வழியாகவும், நீங்கள் பயன்படுத்திய அனைத்து புக்மார்க்குகளையும் பெறலாம். 

இந்த வசதியுடன் சேர்த்து ஒரு சில கூடுதல் வசதிகளையும் இந்த தளம் தருகிறது.
Share:

இணையத்தில் ஒளிந்து கொள்ள...

நாம் எதிர்பார்க்காமல், நம் மொபைல் போனுக்கு மற்றும் மின் அஞ்சல் முகவரிக்குப் பல நிறுவனங்கள் தங்களைப் பற்றிய தகவல்களை அனுப்புகின்றன. நாம் எந்தச் சூழ்நிலையிலும், இணையத்தில் சென்று பார்க்காத நிறுவனங்களிடமிருந்து தொடர்ந்து பல தகவல்கள் பாப் ஆகிக் கிடைக்கின்றன. இது எப்படி சாத்தியமாகிறது? நாம் நம் விருப்பத் தேடலின் போது, சில இணைய தளங்கள், நம்முடைய மின் அஞ்சல் முகவரியினைக் கேட்கும். கூடவே, நம் மொபைல் போன் எண்ணையும் கேட்டுப் பெறும். இவ்வாறு பெறப்படும் தகவல்கள், மற்ற நிறுவனங்களுக்கும் செல்கின்றன. 



“நீங்கள் அளிக்கும் தகவல்கள் மற்ற நிறுவனங்களுடன் பகிர்ந்து கொள்ளப்பட மாட்டாது” என்ற செய்தியுடன் செயல்படும் பல இணைய தளங்கள், அவற்றுடன் தொடர்பு கொண்டுள்ள இணைய தளங்களிடம் அவர்கள் அறியாமலேயே தங்களிடம் உள்ள தகவல்களைத் தந்து விடுகின்றன. இதுவே, பலமான பரவலுக்கு இலக்காகி, நாம் தொடர்ந்து நமக்குத் தேவையில்லாத தகவல்களைப் பெறும் நிலைக்கு ஆளாகும் சூழ்நிலையை உருவாக்குகின்றன. 

இதிலிருந்து எப்படி தப்பிக்கலாம்? அப்போதைக்கு மட்டும் ஏதேனும் ஒரு மின் அஞ்சல் முகவரியைத் தற்காலிகமாகப் பயன்படுத்தலாமா? அதே போல ஏதேனும் ஓர் எண்ணை, தொலைபேசி எண்ணாகத் தரலாமா? இது கூட நல்ல யோசனைதான். ஆனால், நமக்கு அந்த தற்காலிக முகவரியும், எண்ணும் எப்படி கிடைக்கும்? ஒருமுறை பயன்படுத்திவிட்டு, குப்பைத் தொட்டியில் வீசப்படும் “டிஸ்போஸபில் சிரிஞ்ச்” போல நமக்கு இந்த முகவரியும் எண்ணும் வேண்டுமே?

இவற்றை நமக்குத் தந்து உதவுவதற்கென்றே, சில இணைய தளங்கள் இயங்குகின்றன. இந்த தளங்களில் எந்தவிதமான பதிவும் இல்லாமல், எந்த எண்ணையும் தராமல், அப்போது மட்டுமே பயன்படுத்திவிட்டு 'எறிந்துவிடக்கூடிய' மின் அஞ்சல் முகவரிகளும், தொலைபேசி எண்களும் கிடைக்கின்றன. இந்த தளங்களில், நான் பயன்படுத்த விரும்புவது,
http://www.temp-mail.org  என்ற இணையதளம் ஆகும். 

இந்த இணையதளத்திற்கு நீங்கள் சென்றவுடன், உங்களுக்கென ஓர் இமெயில் முகவரி உருவாக்கப்பட்டு வழங்கப்படும். இதனைக் கூட, நீங்கள் விரும்பினால் மாற்றிக் கொள்ளலாம். இந்த மின் அஞ்சல் முகவரியினை, உங்களிடம் முகவரி கேட்கும், நீங்கள் அதன் பார்வையிலிருந்து ஒளிந்து கொள்ள விரும்பும் தளங்களில், பயன்படுத்தலாம்.

அந்த தளங்கள், உங்களுக்குத் தரப்படும் விளம்பர மின் அஞ்சல்கள் அனைத்தும் அந்த முகவரிக்கு அனுப்பப்படும். நீங்கள் விரும்பினால், இந்த இணைய தளம் சென்று, உங்களுக்கான அஞ்சல்களைக் காணலாம். இந்த தற்காலிக மின் அஞ்சல் முகவரியை நீங்களாக, அழிக்காதவரை அது உங்களுக்கான ஒளியும் அஞ்சல் முகவரியாக இருக்கும். நீங்கள் தொடர்ந்து பயன்படுத்தலாம்.

அண்மைக் காலமாக, இணைய தளங்கள், உங்கள் சரியான அடையாளத்தை உறுதி செய்திட, இரட்டை முறை சோதனையை மேற்கொள்கின்றன. அந்த வகையில் உங்கள் மொபைல் எண்ணைக் கேட்கின்றன. வழக்கமாக நீங்கள் பயன்படுத்தும் மொபைல் எண்ணை நீங்கள் தர வேண்டியதுள்ளது. அப்படி தருகின்ற பட்சத்தில், பல தேவையற்ற இடங்களிடமிருந்து ஸ்பேம் செய்திகள் குவிகின்றன. இதனைத் தடுக்க, மேலே தற்காலிக மின் அஞ்சல் முகவரிகள் தருவது போல, தற்காலிக எண்களையும் நீங்கள் பெறலாம். இரு தளங்கள் இந்த வகையில் பயனுள்ளதாய் உள்ளன. 

இந்த தளங்களின் முகவரிகள் 
http://www.smsreceivefree.com/ 
http://www.tempophone.com 

இங்கு சென்றவுடன், உங்களுக்கென சில எண்கள் காட்டப்படும். அவற்றிலிருந்து இரண்டினை நீங்கள் தேர்ந்தெடுக்கலாம். உங்களிடம், மொபைல் எண் கேட்கும் நிறுவனங்களின் இணைய தளத்தில் இந்த எண்களைத் தரலாம்.

இந்த எண்களுக்கு அனுப்பப்படும், எஸ்.எம்.எஸ். தகவல்கள், இந்த தளத்தில் கிடைக்கும். எனவே, தகவல்களை எதிர்பார்க்கையில், இந்த தளம் சென்று, அவற்றைப் பெறலாம். ஆனால், 30 நாட்களில், இந்த எண்களின் செயல்பாடு காலாவதியாகிவிடும். நீங்கள் மீண்டும் புதிய எண்களை இந்த தற்காலிக மொபைல் எண் தளத்தில் பெற்றுக் கொள்ளலாம்.

இந்த வகையில், இணைய வெளியில், உங்கள் உண்மையான அடையாளத்தைக் காட்டாமல், ஒளிந்து நின்று செயல்படலாம்.
Share:

டேட்டா அடிக்கடி தீர்ந்து போகுதா? அப்ப இதை படிங்க.!!

ஸ்மார்ட்போன் பயன்பாடு இண்டர்நெட் இல்லாமல் முழுமை அடையாது என்பதே உண்மை. பார்க்க கவர்ச்சிகரமாக இருக்கும் இன்றைய ஸ்மார்ட்போன்களின் அத்தியாவசிய ஸ்மார்ட் அம்சங்களை பயன்படுத்த கட்டாயம் தேவைப்படுவது இண்டர்நெட் தான்.


அந்தளவு முக்கியத்துவம் வாய்ந்த இண்டர்நெட் பயன்பாடு இன்னமும் நம்மவர்களுக்கு பெரிய தலைவலியாகவே இருந்து வருகின்றது. இன்று மொபைல் போன்களில் டேட்டா பயன்பாடு அதிகமாக இழுக்கப் படுவது என்பது பெரும்பாலானோரும் சந்திக்கும் பிரச்சனைதான்.

உங்கள் மொபைல் பயன்பாடுகளின் போது அதிக அளவில் டேட்டாவினை சேமிப்பதற்கான சில வழிகளை உங்களுக்கு கூறுகின்றோம். நீங்கள் நினைப்பதை விட இது சுலபம்தான். இந்த வழிகளை பயன்படுத்தி டேட்டாவினை சேமித்து கொள்ளுங்கள்.

க்ரோம் பக்கங்களை சுருக்கவும்
உங்கள் ப்ரவுஸரில் வெப் பக்கங்கள் லோடாவதற்கு முன்னால் அவற்றை டேட்டா சேவர் ஆப்ஷன் ( Data saver option ) சுருங்க வைத்து விடும். இதனால் ப்ரவுஸிங் கொஞ்சம் தாமதமாக நடைபெற்றாலும் உங்களுக்கு இது பழகி விடும்.

ஓபேராவின் வீடியோ கன்சம்ப்ஷன்
ஆண்ட்ராய்ட் ப்ரவுசருக்கு என்று உள்ள ஓப்ரா தற்பொழுது பயனுள்ள வீடியோ கன்சம்ப்ஷன் அடங்கியதாக உள்ளது. இதனால் டேட்டாவினை அதிகளவில் சேமிக்க முடியும். இதை பயன்படுத்த ஓபேரா ப்ரவுஸரை டவுன்லோட் செய்து செட்டிங்ஸ் > டேட்டா சேவிங்ஸ் என்பதை க்ளிக் செய்து வீடியோ கம்ப்ரஷன் என்று இருக்கும் பாக்ஸை டிக் செய்யவும். இதனால் அதிக அளவில் டேட்டாவினை சேமிப்பதுடன் வீடியோக்கள் விரைவாக லோட் ஆகவும் செய்ய முடியும்.

ஃபேஸ்புக் ஆப்
ஃபேஸ்புக் செயலிகளினால் டேட்டா மற்றும் பேட்டரி அதிக அளவில் உரிஞ்ச படுவது எல்லாருக்கும் தெரிந்த ஒன்றுதான். நிச்சயம் ஃபேஸ்புக் வேண்டும் என்பவர்கள் இந்த தளத்தினை டின்ஃபாயில் மூலம் பயன்படுத்தலாம், இதனால் அதிகளவு டேட்டா சேமிக்கப்படும்.

பின்புல டேட்டாக்களை குறைக்கவும்
பேக்கிரவுன்டு டேட்டா பயன்பாடுகளை குறைப்பதால் அதிக அளவு டேட்டா சேமிக்க முடியும். பேக்கிரவுன்டு டேட்டா பயன்பாட்டினை குறைக்க செட்டிங்ஸ் > டேட்டா யூசேஜ் > ரெஸ்ட்ரிக்ட் பேக்கிரவுன்டு டேட்டா > ஆப்ஸ் என்பதை பயன்படுத்தலாம். Settings >Accounts > Google > select the account இதை செய்து பின்பு தானியங்கியாக sync ஆக வேண்டாம் என்ற சேவைகளை uncheck செய்வதால் உங்களால் sync setting மாற்ற முடியும்.

ஆட்டோ அப்டேட்
கூகுள் ப்ளே ஆட்டோ அப்டேட் உங்கள் டேட்டாக்களை உரிஞ்சக் கூடியது தான். உங்களது கருவியில் கூகுள் ப்ளே ஸ்டோர் ஆட்டோ அப்டேட் மோடில் இருந்தால் மாதம் மாதம் உங்களுக்கே தெரியாமல் உங்கள் டேட்டா தீர்ந்து போகும். இதை சரி செய்ய ப்ளே ஸ்டோர் சென்று இடது புற நேவிகேஷன் பட்டனினை ஸ்வைப் செய்து ஆட்டோ அப்டேட் ஆப்ஸ் ஆப்ஷனை தேர்வு செய்து ‘Do not auto-update apps’ or ‘Auto-update apps over Wi-Fi only’. என்பதை செட் செய்ய வேண்டும்.

மியூசிக்
யூட்யூப், ஸ்பாட்டிஃபை, வைன் போன்ற மியூசிக் தளங்கள் உங்கள் டேட்டாக்களை உரிஞ்சக் கூடியவை. முடிந்த வரை பாடல்களை மைக்ரோ எஸ்டி கார்டில் பதிவு செய்து அதில் இருந்து பாடல்களை கேட்ப்பது நல்லது. இதனால் அதிகப்படியான டேட்டா சேமிக்க முடியும். Show Thumbnail

செயலி
செட்டிங்ஸ் > டேட்டா யூசேஜ் ஆப்ஷனில் அதிகப்படியான டேட்டா இழுக்கக் கூடிய செயலிகளை பற்றி நீங்கள் அறிந்து கொள்ள முடியும். இதனால் நீங்கள் அடிக்கடி பயன்படுத்தாத செயலிகளை நீங்கள் நீக்க விடலாம்.

ஆஃப்லைன் செல்லவும்
பொதுவாக கூகுள் மேப்ஸ் செயலியும் உங்கள் மொபைல் டேட்டாக்களை அதிளவு இழுத்து கொள்ளும். இதனால் நீங்கள் கூகுள் மேப்ஸ் செயலியை ஆஃப்லைனில் பயன்படுத்தலாம்.
Share:

இணையம் சார்ந்த குறிப்புகள்

Image result for uses of internet in education1. முதன் முதலில் ஓர் இணையதளமாகப் பதிவு செய்யப்பட்டது Symbolics.com என்னும் தளமாகும். 1985 மார்ச் 15 அன்று இந்த தளப் பெயர் பதிவு செய்யப்பட்டது. இதனைத் தனக்கெனப் பதிவு செய்து கொண்ட நிறுவனம் Symbolics Computer Corporation.


2. மிகப் பெரிய அளவில் வைரஸ் பரவிய முதல் நிகழ்வு 1988 ஆம் ஆண்டு ஏற்பட்டது. அப்போது பயன்பாட்டில் இருந்த உலகளாவிய சர்வர்களில் 10% சர்வர்கள் இதனால், முடங்கிப் போயின. இந்த வைரஸை “The Internet Worm” என அழைத்தனர்.

3. Frederick Cohen என்ற மாணவர், வைரஸ் (“virus,”) என்ற சொல்லை முதன் முதலில், கம்ப்யூட்டரைக் கெடுக்கும் புரோகிராமிற்குப் பயன்படுத்தினார். இவர் கலிபோர்னியா பொறியியல் பள்ளியில் படித்துக் கொண்டிருந்தார்.

'தானாகவே, தன்னைப் பெருக்கிக் கொள்ளும் புரோகிராமிற்கு' இந்த சொல்லை வடிவமைத்துப் பயன்படுத்தினார். தன் வகுப்பு தோழர்கள் அறிந்து கொள்ள வைரஸ் புரோகிராம் ஒன்றைத் தயாரித்துக் காட்டினார். பின்னர் கம்ப்யூட்டர் வைரஸ் என்பதைக் கீழ்க்காணும் விளக்கத்துடன் விவரித்தார்.”கம்ப்யூட்டரில் உள்ள புரோகிராம்களைக் கெடுத்து, அவற்றைப் போலவே நகலினை உண்டாக்கும் புரோகிராம்”.

இவரே, இத்தகைய வைரஸ் புரோகிராம்களைத் தடுக்கும் தொழில் நுட்ப வழிகளை உருவாக்கிக் காட்டினார். பின்னர், அவரே, 1987 ஆம் ஆண்டு, அனைத்து வைரஸ்களையும் கண்டறிய ஒரு வழியினால் முடியாது என்று நிரூபித்தார்.

4. இன்டர்நெட் (“internet”) என்னும் சொல், 1882 ஆம் ஆண்டிலேயே புழங்கப்பட்டது. “ஒன்றோடொன்று இணைந்த, இணைக்கப்பட்ட செயல்பாடுகள்” என்பதனைக் குறிக்க இந்த சொல் பயன்படுத்தப்பட்டது. பின், ஏறத்தாழ நூறு ஆண்டுகளுக்குப் பின்னர், 1982ல், உலகளாவிய டி.சி.பி/ஐ.பி. நெட்வொர்க் இணைப்பினைக் குறிக்க இது பயன்பட்டது.

1971 ஆம் ஆண்டு, பாப் தாமஸ் என்பவர் “Creeper” என்றொரு புரோகிராம் எழுதினார். அப்போது வைரஸ் என இது அழைக்கப்படாவிட்டாலும், இதுவே, முதன் முதலாக வைரஸ் புரோகிராம் ஒன்றின் செயல்பாட்டினைக் கொண்டிருந்தது.

எப்படி புரோகிராம் ஒன்று கம்ப்யூட்டர்களுக்கிடையே பரவும் என்று காட்டுவதற்கு இந்த புரோகிராமினை அவர் எழுதினார். இந்த புரோகிராம் கம்ப்யூட்டரைக் கெடுப்பது போல் எழுதப்படவில்லை. அதற்குப் பதிலாக “நான்தான் கிரீப்பர்; முடிந்தால் என்னைப் பிடித்துப் பார்” என்ற செய்தியை வெளியிட்டது. இது ARPANET இணைய இணைப்பில் ஒரு சர்வருக்கும் இன்னொரு சர்வருக்குமான இணைப்பில், காணப்பட்ட வெற்றிடத்தைக் கண்டறிந்து பரவியது. 

எந்த கம்ப்யூட்டரில் இது பதியப்பட்டு செயல்படுத்தப்பட்டதோ, அதிலிருந்து தாமாகவே வெளியேறிச் செல்லும் தன்மையினையும் இது கொண்டிருந்தது. இறுதியாக கிரீப்பரைக் கண்டறிய “the reaper” என்னும் புரோகிராம் எழுதப்பட்டுச் செயல்படுத்திக் காட்டப்பட்டது.
Share:

உங்களது தனிப்பட்ட தகவல்களை கூகுள் வைத்திருப்பது உங்களுக்கு தெரியுமா

துவக்கத்தில் இன்டர்நெட்டில் இருக்கும் பக்கங்களை இன்டக்ஸ் செய்து வந்த கூகுள் நிறுவனம், இன்று உலகையே நம் கண் முன் கொண்டு வந்திருக்கின்றது, டிரைவர் இல்லாமல் இயங்கும் கார்களை தயரித்து வருவதோடு பல ஆய்வுகளையும் மேற்கொண்டு வருகின்றது. இன்று கூகுள் நிறுவனம் உங்கள் தனிப்பட்ட தகவல்களை எப்படி சேகரிக்கின்றது என்றும் அவற்றை நீங்கள் எப்படி அழிக்க வேண்டும் என்பதையும் பாருங்கள்..



லொகேஷன் ஹிஸ்ட்ரி நீங்கள் கூகுள் மேப்களை பயன்படுத்தும் போதும் பயன்படுத்தாத போதும் கூகுள் உங்களை ட்ராக் செய்கின்றது. இதை அழிக்க இந்த தளத்திற்குசென்று டெலீட் ஆல் ஹிஸ்ட்ரி என்ற பட்டனை க்ளிக் செய்து உங்களது தகவல்களை அழித்து விடுங்கள்..

கூகுள் சர்ச் ப்ரவுஸர் சர்ச் ஹிஸ்ட்ரியை மட்டும் அழிப்பது பயன் தராது, இந்த லின்க் சென்று செட்டிங்ஸ் (Settings) சென்று ரிமூவ் ஐடம்ஸ் (Remove items) சென்று ஹிஸ்ட்ரியை ஆரம்பத்தில் இருந்து (beginning of time) அழித்து விடுங்கள்.

கூகுள் அனாலட்டிக்ஸ் வெப்சைட் வைத்திருப்பவர்கள் தங்களது சைட்களுக்கு யார் யார் வருகின்றனர் என்பதை பார்க்க கூகுள் அனாலட்டிக்ஸ் பயன்படுத்துகின்றனர், இங்கும் தனிப்பட்ட தகவல்கள் தெரியாது என்றாலும் கூகுள் அனாலட்டிக்ஸ் இல் இருந்து வெளியேற இந்த லின்க்செல்லவும்.


இன்டர்நெட் கூகுளின் முக்கிய லாபமாக விளம்பரங்கள் தான் இருக்கின்றது, உங்களது தகவல்களை விளம்பரதாரர்களுக்கு விற்பனை செய்கின்றது. உங்கள் தனிப்பட்ட தகவல்கள் விளம்பரதாரர்களிடம் போகாமல் இருக்க இந்த லின்க் சென்று ஆப்ட் அவுட் செட்டிங்ஸ் (Opt out settings) ஆப்ஷனை தேர்வு செய்து ஆப்ட் அவுட் இன்டர்நெட் பேஸ்டு ஆட்ஸ் ஆன் கூகுள் (Opt out of interest-based ads on Google) என்ற ஆப்ஷனை க்ளிக் செய்யுங்கள்


கூகுள் டேட்டா சில இணையதள சேவைகள் உங்களது ஜிமெயில் அக்கவுன்ட் மூலம் லாக் இன் செய்ய கேட்கும், பின்னர் எத்தனை தளங்களில் உங்களது பெய்ர மற்றும் மின்னஞ்சல் முகவரி இருக்கின்றது என்று உங்களுக்கே தெரியாது, உங்களது மின்னஞ்சல் முகவரி மூலம் நீங்கள் பதிவு செய்த இணையதளங்களின் பதிவை பற்றி தெரிந்து கொள்ள இந்த லின்கை க்ளிக் செய்யுங்ள்.
Share:

யாரும் அறிந்திராத கூகுள் தந்திரங்கள்.!!


துவங்கப்பட்டதில் இருந்து இன்று வரை உலகின் தலைசிறந்த தேடு பொறி நிறுவனம் இருப்பது கூகுள். இண்டர்நெட் தேடலில் முதலிடத்தில் இருப்பதோடு பல்வேறு சேவைகளையும் வழங்கி வரும் கூகுள் நிறுவனம் சார்ந்து யாரும் அறிந்திராத சில பொழுதுபோக்கு தந்திரங்களை தான் இங்கு தொகுத்திருக்கின்றோம்..


பூவா தலையா 
கூகுள் மூலம் பூவா தலையா போட முடியும் என உங்களுக்கு தெரியுமா. கூகுள் தேடலில் 'Flip a Coin' என டைப் செய்தால் பூவா தலையா போட முடியும்.

தாயம் 
கூகுளில் 'Roll A Dice' என டைப் செய்தால் தாயம் விளையாடலாம். ஒவ்வொரு முறை க்ளிக் செய்யும் போதும் வெவ்வேறு எண்கள் திரையில் காண முடியும்.

வளைந்த பதில்கள் 
கூகுள் 'Askew' டைப் செய்தால் தேடல் விவரங்கள் ஒரு புறமாக சரிந்திருப்பதை பார்க்கலாம்.

செர்க் ரஷ் 
இது சிலருக்கு தெரிந்திருக்கலாம், கூகுள் தேடலில் 'Zerg Rush' என டைப் செய்தால் பதில் தானாக இடிந்து விழுவதை காணலாம்.

அடாரி பிரேக்அவுட் 
கூகுள் 'Atari Breakout' என டைப் செய்து இந்த பழைய விளையாட்டை கூகுளில் விளையாடலாம்.

கூகுள் பேக்மேன் 
கூகுளில் 'Google Pacman' என டைப் செய்து பேக்மேன் விளையாட்டை விளையாடலாம்.

கூகுள் கிராவிட்டி 
கூகுளில் 'Google Gravity' என டைப் I'm Feeling Lucky பட்டனை க்ளிக் செய்தால் கூகுள் இடிந்து கீழே விழுவதை திரையில் பார்க்க முடியும்.

பேரல் ரோல் 
கூகுளில் 'Do a barrel roll' என டைப் செய்தால் கூகுள் தேடல் ஒரு பக்கமாக சாய்வதை பார்க்கலாம்.

கூகுள் ஆர்பிட் 
கூகுளில் 'Google Orbit' என டைப் செய்து I'm Feeling Lucky பட்டனை க்ளிக் செய்தால் தேடல் முழுவதும் சுற்ற ஆரம்பிக்கும். மவுஸ் பாயின்டருக்கு ஏற்றார் போல் அதுவும் சுற்றும்.

டைனோசர் கேம் 
சில சமயங்களில் இண்டர்நெட் வேலை செய்யாவிட்டால் டைனேசர் கேம் விளையாடலாம். இது சிலருக்கு தெரிந்திருக்கலாம்.
Share:

கூகுள் மறைத்துள்ள விளையாட்டுகள்

கூகுள் நிறுவனம் நமக்குப் பயன்படக் கூடிய பல வசதிகளைத் தந்துள்ளது. தொடர்ந்து வழங்கியும் வருகிறது. டிஜிட்டல் உலகில் தன் ஆளுமையை நிலை நிறுத்த அனைத்து முயற்சிகளையும் எடுத்து வருகிறது. அதே நேரத்தில், வேடிக்கை நிறைந்த சில விநோதங்களையும், விளையாட்டுகளையும், தன் தளத்தில் மறைத்து வைத்துள்ளது. இவை குறித்து எந்தவிதமான டாகுமெண்ட்களும் இல்லை. இருப்பினும் நாம் இவற்றைப் பெற்று மகிழலாம்.



கூகுள் தன் தளத்தில் பல விளையாட்டுகளையும் “ஈஸ்டர் எக்ஸ்” என்று சொல்லப்படுகிற ஆச்சரியம் தரத்தக்க திரைக் கூத்துகளையும் எப்போதும் தன் தளத்தில் மறைத்து வைத்திருக்கும். இவற்றில் சில நாம் ஏற்கனவே தெரிந்த விளையாட்டுகளாக இருக்கும். ஆனால், இந்த தளத்தில் கிடைக்கும் என அறியாமல் இருப்போம். அது போன்ற சில விளையாட்டுகளையும், “ஈஸ்டர் எக்ஸ்” விந்தைகளையும் இங்கு காணலாம்.

டி ரெக்ஸ் மினி கேம் (T-Rex Mini Game): நாம் இணையத்தில் இயங்கிக் கொண்டிருக்கையில், திடீரென இணைய இணைப்பு அறுந்து போகும். இதனால், நம் பணி பாதிக்கப்படும். எந்த வேலையும் இன்றி, கம்ப்யூட்டரின் திரையைப் பார்த்து அமர்ந்திருப்போம். இப்படிப்பட்ட வேளையில், நமக்கு “no network connectivity” என்ற தகவல் வரும்போது நமக்குக் கிடைக்கும் கேம் இது. தடைகளைத் தாண்டி, தாண்டி ஒருவரை ஓட வைக்கும் கேம் இது. இந்த விளையாட்டினை எப்படிப் பெற்று விளையாடுவது? இணைய இணைப்பு இல்லை என்று காட்டும் மேலே சொல்லப்பட்ட செய்தி வந்தவுடன், ஸ்பேஸ் பாரைத் தட்டவும். உடனே டி ரெக்ஸ் ஆள் ஓடத் தொடங்குவான். அவன் போகும் பாதையில் உள்ள தடைகளைத் தாண்டி அவனை ஓட வைப்பதே இந்த விளையாட்டு.

அடாரி பிரேக் அவுட் (Atari Breakout): இந்த விளையாட்டின் பெயரைச் சொன்னால் பலருக்கு இது நினைவிற்கு வராது. கீழாக நம் கட்டுப்பாட்டில், தட்டக்கூடிய, நகர்த்தக் கூடிய மட்டை இருக்கும். பந்து ஒன்று எந்த திசையில் வருகிறது என்று கணிக்க முடியாத அளவில் அங்கும் இங்கும் அலை பாயும். நாம் அந்த மட்டையைப் பயன்படுத்தி, பந்தில் தட்டினால், அது மேலே எழும்பிச் சென்று, மேலே அடுக்கப்பட்டுள்ள கட்டைகளை வீழ்த்த வேண்டும். 

பேக் மேன் கேம்: Pac-Man என்ற விளையாட்டு அனைவரும் அறிந்ததே. இதனைப் பல ஆண்டுகளாக நாம் கம்ப்யூட்டரிலும், ஸ்மார்ட் போனிலும் விளையாடி வந்திருக்கிறோம். கூகுள் இணையதளத்தில் 2010 ஆம் ஆண்டில், இது குறிப்பிட்ட காலத்தில், அதன் டூடில் எனப்படும் முகப்பு பக்கப் படமாகவும், கிளிக் செய்தால் விளையாடக் கூடியதாகவும் இருந்தது. தற்போது, அதன் தேடல் தளம் சென்று “google pacman”— என்று டைப் செய்தால் போதும். உடன், இந்த கேம் விளையாடக் கிடைக்கும். 

ஆண்ட்ராய்ட் பதிப்புகளுக்கான ஐகான்கள்: கடந்த ஐந்து ஆண்டுகளில் வெளியான ஆண்ட்ராய்ட் ஆப்பரேட்டிங் சிஸ்டங்கள் ஒவ்வொன்றும் தங்களுக்கான ஐகான்களையும் கொண்டுள்ளன. ஆனால் அவை மறைத்து வைக்கப்பட்டுள்ளன. இவற்றை கூகுள் மூலம் காணலாம். அது மட்டுமின்றி, புதியதாக வந்திருக்கும் ஆண்ட்ராய்ட் பதிப்பின் ஐகானையும் காணலாம். இந்த ஐகான்கள் குறித்து அறிந்து கொள்ள, முதலில் Settings மெனு சென்று, பின்னர், “About phone” என்பதை வீல் உருட்டிக் காணவும். பின்னர், இங்கு எந்த ஆண்ட்ராய்ட் சிஸ்டத்தின் ஐகான் அறிய வேண்டுமோ, அதனைத் தேர்ந்தெடுத்து கிளிக் செய்திடவும்.

பிளாப்பி பேர்ட் (Flappy Bird): இந்த விளையாட்டு முதலில் வெளியானபோது, ஸ்மார்ட் போனில் எளிதாக விளையாடக் கூடிய விளையாட்டினை விரும்புவோருக்கு பிரியமானதாக இருந்தது. விளையாட எளிமையானதாக இருந்தாலும், பலர் இதனை வெற்றி பெற முடியாமல் கைவிட்டனர். வெற்றி பெற முடியாததால், வெற்றி பெறும் வழி தெரியாததால், பலர் தங்கள் ஸ்மார்ட் போனை தரையில் விட்டெறிந்த நிகழ்வுகளும் நடந்தேறின. இதனால், மக்கள் அதிகம் இதனை விரும்புகையில், இதனை வடிவமைத்தவர், இந்த விளையாட்டினை இணையத்தில் கிடைப்பதிலிருந்து நீக்கினார். ஆனால், மக்களின் விருப்பத்தினைப் பார்த்த, ஆண்ட்ராய்ட் ஆப்பரேட்டிங் சிஸ்டம் வடிவமைத்தவர்கள், மீண்டும் இந்த விளையாட்டினை உருவாக்கினார்கள். ஆனால், அதனை ஓர் ஈஸ்டர் எக் ஆக, விளையாட்டில் புதிய திருப்பங்களை அமைத்து உருவாக்கினார்கள். இந்த விளையாட்டினை ஸ்மார்ட் போனில் விளையாட, உங்கள் போனில் லாலிபாப் அல்லது மார்ஷ்மலாய் ஆப்பரேட்டிங் சிஸ்டம் இருக்க வேண்டும். மேலே சொன்ன வழிகளைப் பின்பற்றி, முதலில் உங்கள் போனில் உள்ள ஆப்பரேட்டிங் சிஸ்டத்திற்கான ஐகானில் சில முறை தட்டவும். பின்னர், அதில் தொடர்ந்து அழுத்தவும். உடன் இந்த விளையாட்டு விளையாடக் கிடைக்கும். எளிதாக வெற்றி பெறும் வகையில் இது தரப்பட்டுள்ளதால், மனதிற்கு மகிழ்ச்சியாக இருக்கும்.

ஈஸ்டர் எக்ஸ்: கூகுள் தன் தேடல் தளத்தில் பல ஈஸ்டர் எக் புரோகிராம்களை ஒளித்து வைத்துள்ளது. இவை ஒவ்வொன்று குறித்து எழுதாமல், அவற்றின் பெயர், என்ன வகையான செயல்பாடு என இங்கே தருகிறேன்.

Do a Barreel Roll: கூகுள் தளமானது அப்படியே ஒரு பேரலில் போட்டு உருட்டப்படுவதனைக் காணலாம்.
Zerg Rush: கூகுள் தேடல் தளத்தில் உள்ள அனைத்து தேடல் பதிவுகளை நீக்கும்.
Askew; கூகுள் தளத்தினைச் சற்று ஆட்டிப் பார்க்கும்.

Flip a coin: உங்களிடம் சுண்டிப் பார்க்க, பூவா? தலையா? பார்க்க நாணயம் இல்லையா? தேடல் தளத்தில் இந்த Flip a Coin என்று டைப் செய்தால், உடன் இதற்கான தளம் கிடைக்கும். இதில் Animated என்ற டேப்பினைத் தேர்வு செய்தால், பல வகைகளில், நாணயம் ஒன்றைச் சுண்டிப் பார்க்க படங்கள் காட்டப்படும். சிலவற்றை நாம் அப்ளிகேஷன்களாகத் தரவிறக்கம் செய்து செயல்படுத்தலாம். சிலவற்றில் கிளிக் செய்தால், சுண்டி விடப்பட்டு விழும் நாணயத்தைப் பார்க்கலாம். பூவா? தலையா? என்று அறியலாம்.

Roll a Die: தாயக் கட்டம் விளையாட காய்கள் இல்லையா? கூகுள் தேடல் தளத்தில் இந்த கட்டளையைக் கொடுங்கள். முதலில் எத்தனை பக்கமுள்ள காய் இருக்க வேண்டும் என்பதனைத் தேர்ந்தெடுத்து இந்த கட்டளையைக் கொடுங்கள். ஒவ்வொரு முறை தரும்போதும், காய் உருட்டப்பட்டு, உருட்டுபவருக்கான எண்கள் கிடைக்கும். இப்படியே இருவர் அல்லது அதற்கும் மேற்பட்டவர்கள் விளையாடலாம்.

Google Gravity: கூகுள் தேடல் தளத்தில் உள்ள அனைத்துமே சரிந்து விழுவதனைக் காணலாம். இந்த சொற்களைக் கொடுத்து கிடைக்கும் முடிவுகளில், முதல் தளத்தில் கிளிக் செய்திடவும். இல்லை எனில், www.googleloco.net என்ற தளம் செல்லவும். தளம் கிடைத்தவுடன், கூகுள் என்ற தலைப்பு சொல் உட்பட அனைத்து துண்டு துண்டுகளாகக் கீழே நொறுங்கி விழுவதைக் காணலாம். உங்களுக்கும் இதனுடன் விளையாட விருப்பம் எனில், உடைந்து விழுந்த துண்டுகளை, மவுஸின் கர்சரால், இழுத்து எறியலாம். அவை திசை தடுமாறி விழுவதனைக் காணலாம். கூகுள் மீது உள்ள கோபத்தை இப்படி தீர்த்துக் கொள்ளலாம்.

Google in 1998: கூகுள் தேடல் தளத்தின் முதல் சோதனை பதிப்பு எப்படி தரப்பட்டது என்பதனை அறியலாம். கூகுள் குழந்தை அன்று அழகாகத்தான் இருந்தது என உறுதி செய்து கொள்ளலாம். 

Anagram: இந்த சொல்லைத் தேடல் தளத்தில் கொடுத்தால், உடனே அதில் Do you mean “nag a ram” என்று வரும். Anagram என்ற சொல்லின் பொருள் ~ ஒரு சொல்லில் உள்ள எழுத்துகளைக் கொண்டு இன்னொரு சொல் அமைப்பது. எனவே, இங்கு கூகுள் நம்மிடம், நாம் கொடுக்கும் சொல்லின் பொருளை செயல்படுத்துவது போல ஒரு சொல் தொகுதியைத் தருகிறது. பொருள் விளங்க, இன்னொன்றையும் 
தருகிறேன். Iceman என்ற சொல்லில் இருந்து, Cinema என்ற சொல்லை உருவாக்கலாம். இதுதான் anagram. 

Recursion: பொதுவாக ஒரு சொல்லைத் தேடும் கட்டத்தில் கொடுத்தால், அதில் ஏதேனும் பிழை இருந்தால், அல்லது கூகுள் தன் தேடல் சொற்கள் தொகுப்பில் இல்லாத ஒரு சொல் என்றால், அந்த சொற்களில் உள்ள எழுத்துகள் சார்ந்த இன்னொரு சொல்லைக் கொடுத்து, “நீங்கள் இதையா தேடுகிறீர்கள்?” என்று கேட்கும். ஆனால், இந்தச் சொல்லைத் தேடும் கட்டத்தில் கொடுத்தால், மீண்டும் அதே சொல்லைக் கொடுத்து இதையா தேடுகிறீர்கள் என்று கேட்கும். ஏனென்றால், இந்தச் சொல் கோட்பாடு ஒன்றின் விளக்கத்தினையே அதன் செயலில் அமல்படுத்தும் இயக்கம் கொண்டதைக் குறிப்பதாகும். 

கூகுள் தரும் பலவிதமான பயனுள்ள சாதனங்களுக்கிடையே இது போல வேடிக்கை நிறைந்த செயல்பாடுகளும் உள்ளன. இவற்றை நாம் நேரம் கிடைக்கும்போது செயல்படுத்தி மகிழலாம். 
Share:

USB மூலமாக விண்டோஸ் இயங்குதளத்திற்கு பூட்டு போட

விண்டோஸ் இயங்குதளத்தை பூட்டி வைக்க கணினி பயன்பாட்டாளர்கள் பலரும் பயனர் கணக்கிற்கு கடவுச்சொல் கொண்டு பூட்டி வைப்பார்கள். தற்போது வெளிவந்திருக்கு விண்டோஸ் 8 இயங்குதளத்தில் படத்தினை கொண்டு பயனர் கணக்கினை பூட்டி வைக்க முடியும். இதற்கு மேல் விண்டோஸ் இயங்குதளத்தை பூட்ட வேறு வழி இருக்கிறதா என்ற இன்னும் ஒரு சில வழிகள் உள்ளன அவற்றில் ஒன்றுதான் USB வழியாக விண்டோஸ் இயங்குதளத்தை பூட்டுதல்.

விண்டோஸ் இயங்குதளத்தை பூட்ட சிறந்ததொரு மென்பொருள் VSUsbLogon ஆகும். இந்த மென்பொருள் முற்றிலும் இலவசமாக கிடைக்கிறது.

மென்பொருளை தரவிறக்க சுட்டி

மென்பொருளை சுட்டியில் குறிப்பிட்ட தளத்தில் இருந்து பதிவிறக்கி கணினியில் நிறுவிக்கொள்ளவும்.பின் கணினியை ஒரு முறை மறுதொடக்கம் செய்து கொண்டு பின் இந்த VSUsbLogon அப்ளிகேஷனை ஒப்பன் செய்யவும். பின் கணினியில் USB ட்ரைவினை கணினியில் இணைக்கவும்.

பின் நீங்கள் கணினியில் இணைத்த USB ட்ரைவானது அப்ளிகேஷனில் காட்டும். அதை தெரிவு செய்து பின் Assign என்னும் பொத்தானை அழுத்தவும். அடுத்ததாக தோன்றும் விண்டோவில் நம்முடைய விண்டோஸ் பயனர் கணக்கிற்கு என்ன கடவுச்சொல்லை உருவாக்கினமோ அதே கடவுச்சொல்லை இங்கும் உள்ளிடவும். அடுத்து Auto Logon எனும் செக்பாக்சை டிக் செய்து கொள்ளவும். பின் Check Password எனும் பொத்தானை அழுத்தி ஒரு முறை சோதனை செய்து பார்த்துக்கொள்ளவும். 

இதற்கு முன் விண்டோஸ் பயனர் கணக்கிற்கு கடவுச்சொல்லை உருவாக்கி இருக்க வேண்டும் என்பது மிகவும் முக்கியம். 

பின் OK பொத்தானை அழுத்தவும். இப்போது உங்கள் பயனர் கணக்கிற்கு USB பூட்டு உருவாக்கப்பட்டுவிட்டதாக செய்தி வரும்.

பின் கணினிக்குள் நீங்கள் உள்நுழையும் போது கடவுச்சொல் கேட்கும் அதற்கு பதிலாக USB ட்ரைவினை கணினியில் பொருத்தினால் போதும் பயனர் கணக்கு தானகவே திறக்கும். 

இந்த மென்பொருள் விண்டோஸ் எக்ஸ்பி, விஸ்டா , ஏழு மற்றும் எட்டு ஆகிய இயங்குதளங்களுக்கு பொருந்தும். 
Share:

‘பலான’ வெப்சைட்டுகளில் இருந்து எஸ்கேப் ஆக உதவும் தளம்!

டூ நாட் லிங்க் இணையதளத்தின் நோக்கத்தை பார்தால் ஏதோ பொறாமை பிடித்த தளம் என தோன்றலாம். இணைப்பு தராதீர்கள் என்று பொருள் படும் இந்த பெயரே கூட இணையத்தின் பகிர்வு கலாச்சாரத்திற்கு எதிரானதாக தோன்றலாம்.இணைப்பு தருவதால் அந்த தளத்திற்கு தேடியந்திர பலன் கிடைத்து விடாமல் இருக்கும் வகையில் அந்த தளத்திற்கு இணைப்பு கொடுக்க வழி செய்வதற்காகவே இந்த தளம் உருவாக்கப்பட்டுள்ளது. இது என்ன அநியாயம் என்று கேட்க தோன்றலாம்.

எந்த ஒரு இணையதளத்திற்கும் இணைப்பு தரும் போது அதை பலரும் சென்று பார்ப்பதும் இப்படி பலர் வருகை தருவதால் அந்த தளம் தேடியந்திர தேடல் முடிவுகள் பட்டியலில் முன்னிலை பெறுவதும் இயல்பானது தானே. ஒரு விதத்தில் இணைப்புகள் தருவதன் நோக்கமும் இது தான்.

அப்படியிருக்க , இணைப்பு தருவதன் பலன் அந்த தளத்திற்கு கிடைத்து விடக்கூடாது என்பதற்காகவே துவக்கப்பட்டுள்ள சேவையை எப்படி புரிந்து கொள்வது என குழம்பலாம்.

நிற்க, நல்ல இணையதளங்கள் என்றால் பிரச்சனையே இல்லை. நல்ல இணையதளங்கள் என்றால் அதற்கு அவற்றுக்கு தாரளமாக இணைப்பு தரலாம். அவை பயன்பெறுவதை பார்த்து மகிழலாம்.ஆனால் மோசமான,வில்லங்கமான இணையதளங்களுக்கு இணைப்பு தர நேரிடும் போது என்ன செய்வது?

ஒவ்வொரு இணைப்பும் தேடியந்திர மதிப்பை கூட்ட பயன்படும் என்பதால் மோசமான இணையதளங்களுக்கு இணைப்பு தரும் போது அவை அந்த இணைப்பால் பயன் பெற்று விடும். சரி மோசமான இனையதளங்களுக்கு இணைப்பு தராமலே இருந்து விடலாமே!

லாம் தான்!.ஆனால் சில நேரங்களில் விழிப்புணர்வு ஏற்படுத்துவதற்காக மோசடி தளங்களை சுட்டிக்காட்ட வேண்டியிருக்கிறது அல்லவா? அப்போது அந்த தளம் மோசமான வகையிலேனும் பிரபலமாகி இன்னும் கூடுதலான தேடியந்திர அங்கீகாரத்தை பெற்று விடுகிறது.விளைவு அந்த தளம் மேலும் பலரை ஏமாற்றலாம்.

இது சிக்கலானது தான் அல்லவா? இந்த சிக்கலுக்கான அழகான தீர்வு தான் டூ நாட் லிங்க் தளம் . அங்கீகாரம் பெற விரும்பாத தளங்களை சுட்டிக்காட்ட விரும்பும் போது அவற்றுக்கு நேரடியாக இணைப்பு தருவதற்கு பதிலாக அந்த தளத்தின் முகவரியை டூ நாட் லிங்க் தளத்தில் சமர்பிக்க வேண்டும். உடனே இந்த தளம் அதன் முகவரியை வேறு இணைப்பாக மாற்றித்த‌ரும்.

இந்த இணைப்பை கட்டுரையிலோ பதிவிலோ பகிர்ந்து கொண்டால் அதை கிளிக் செய்து பார்க்கலாம்.ஆனால் அந்த கிளிக் தேடியந்திர கணக்கில் வராது. அதே போல தேடியந்திர சிலந்திகள் வலை வீசி வரும் போதும் அந்த தளம் கண்ணில் படாது. காரணம் தேடியந்திரங்களை திரும்பி அனுப்பும் வகையில் அந்த இணைப்பு உருவாக்கப்பட்டிருப்பது தான்.

ஆக,மோசமான இணையதளத்தை அடையாளம் காட்டியது போலவும் இருக்கும். ஆனால் அந்த தளத்திற்கு தேவையில்லாத தேடியந்திர வெளிச்சம் கிடைத்து விடாமலும் செய்து விடலாம்.

வில்லங்கமான இணையதளங்களுக்கு இணைப்பு தரும் போது டூ நாட் லிங்க் மூலமே இணைப்பு தாருங்கள்.

இதற்கான தேவை பல விதங்களில் ஏற்படலாம். உதாரணத்திற்கு ஒரு விதம்: உங்கள் அபிமான அரசியல் தலைவர் பற்றி தரக்குறைவான விமர்சனம் கண்டு ஆவேசம் கொள்கிறீர்கள் என வைத்து கொள்வோம். அந்த விமர்சனத்தை அம்பல்படுத்த அதை சுட்டிக்காட்டி உங்கள் எதிர்வினையை பதிவு செய்கிறீர்கள். நீங்கள் ஆணித்தரமாக வாத்தை வைத்தது ஒரு புறம் இருக்க, உங்களை அறியாமல் அந்த விமர்சனத்திற்கு தேடியந்திர அங்கீகாரத்தையும் பெற்று தந்து விடுகிறீர்கள். ஆனால் டூ நாட் லிங்க் இணைப்பை பயன்படுத்தினால் இதை தவிர்க்கும் அதே நேரத்தில் அந்த விமர்சன‌த்தின் உள்நோக்கத்தையும் அம்பலமாக்கலாம்.

எளிமையான சேவை தான்.ஆனால் எப்படி எல்லாம் நுட்பமாக யோசித்து உருவாக்கி உள்ளனஎ இல்லையா?

இணைப்பில்லாமல் இணைப்பு கொடுக்க: http://www.donotlink.com/
Share:

கம்ப்யூட்டரை, பாஸ்வேர்ட் கேட்கும் ஸ்கிரீன் இல்லாமல், நேரடியாகத் திறந்து இயக்க

லாக் ஆன் ஸ்கிரீன் தேவை இல்லை என்றால், முதலில் Advanced User Accounts என்ற டயலாக் பாக்ஸைப் பெற வேண்டும். இது, நீங்கள் என்ன விண்டோஸ் இயக்கம் பயன்படுத்துகிறீர்கள் என்பதனைப் பொறுத்தது. 

விண்டோஸ் 7 மற்றும் விஸ்டா எனில், ஸ்டார்ட் தொடங்கவும். பின்னர், netplwiz என டைப் செய்து என்டர் தட்டவும்.

விண்டோஸ் எக்ஸ்பி எனில், Start>Run சென்று, control user passwords2 என டைப் செய்து என்டர் தட்டவும்.

விண்டோஸ் 8 எனில், Search Charm பயன்படுத்தி netplwiz தேடவும். Apps பிரிவில், netplwiz என்பதன் மேல் கிளிக் செய்திடவும். 

டயலாக் பாக்ஸ் கிடைத்தவுடன், நீங்கள் எந்த அக்கவுண்ட் வழியாக பூட் செய்கிறீர்களோ, அதனைத் தேர்ந்தெடுக்கவும். 

இங்கு, Users must enter a user name and password என்பதில் உள்ள டிக் அடையாளத்தினை எடுத்துவிடவும். 

அடுத்து ஓகே கிளிக் செய்கையில், ஏற்கனவே கொண்டிருந்த பாஸ்வேர்டினை இருமுறை எண்டர் செய்திடக் கேட்டுக் கொள்ளப்படுவீர்கள். 

அவ்வாறு செய்து, ஸ்கிரீனை மூடிவிடவும். இனிமேல், அடுத்த முறை கம்ப்யூட்டரை பூட் செய்கையில், எந்த பாஸ்வேர்டும் கொடுக்காமல், நேரடியாகக் கம்ப்யூட்டர் இயக்கத்திற்குச் சென்று விடலாம்.

இதன் பின்னரும் உங்களிடம் பாஸ்வேர்ட் கேட்கப்பட்டால், பொதுவாக அது போல் நடைபெறாது, அது உங்கள் விண்டோஸ் சிஸ்டம் கேட்கும் பாஸ்வேர்ட் அல்ல. உங்கள் ஹார்ட்வேர் கேட்கும் பாஸ்வேர்ட் ஆகும். 

இதனை நிறுத்த செட் அப் ஸ்கிரீன் செல்ல வேண்டும். இணையத்தில் BIOS password எனப் போட்டு, உங்களுடைய பெர்சனல் அல்லது லேப்டாப் கம்ப்யூட்டரின் மாடல் எண் கொடுத்துப் பெறவும். 
Share:

தேவையான பாதுகாப்பு வளையங்கள்

விண்டோஸ் சிஸ்டம் பயன்பாட்டில், அதன் பாதுகாப்பான இயக்கத்திற்குப் பல வகையான புரோகிராம்களும், டூல்களும் விளம்பரப்படுத்தப்படுகின்றன. இந்த வகையில் பல பிற நிறுவனங்கள், தங்கள் தொகுப்புகளை வாங்கிப் பயன்படுத்துமாறு தொடர்ந்து விண்டோஸ் பயன்படுத்துபவர்களை இணைய தளங்கள் மற்றும் மின் அஞ்சல் வழியாக அணுகி வருகின்றன.

தொடர்ந்து ஏற்பட்டு வரும் பலவகையான மால்வேர் மற்றும் வைரஸ் அச்சுறுத்தல்களால், நாமும் இலவசமாகக் கிடைப்பனவற்றையும், கட்டணம் செலுத்திப் பெறக் கூடிய புரோகிராம்களையும் பயன்படுத்தி வருகிறோம். இந்த வகையில் எதனைச் சந்திக்க நேர்ந்தாலும் உடனே அதனையும் போட்டு வைப்போமே என்ற எண்ணம் தான் நம்மிடையே நிலவி வருகிறது. இதனால், பெர்சனல் கம்ப்யூட்டர் ஒன்றில், பலவகையான பாதுகாப்பு புரோகிராம் களை இன்ஸ்டால் செய்து பயன்படுத்தி வருகிறோம்.

ஆனால், இவை அனைத்துமே மொத்தமாக கம்ப்யூட்டர் ஒன்றில் தேவை இல்லை. முழுமையான பாதுகாப்புடன் இயங்க என்ன வகை புரோகிராம்கள் அல்லது நடவடிக்கைகள் குறைந்த பட்சம் தேவையாக இருக்கும் என்று இங்கு காணலாம்.

1. ஆண்ட்டி வைரஸ்: விண்டோஸ் இயங்கும் சிஸ்டத்தில், கட்டாயமாக வேண்டிய ஒரு பாதுகாப்பு புரோகிராம் ஆண்ட்டி வைரஸ் புரோகிராமாகும். நீங்கள் எந்த ஒரு புரோகிராமையும் டவுண்லோட் செய்திடவில்லை என்றாலும், புதியதாக அறிமுகமாகும் வைரஸ் அல்லது மால்வேர் புரோகிராம்கள் ஏதேனும் ஒரு வழியில் உங்கள் கம்ப்யூட்டரைத் தாக்கலாம்.
தற்போது கிடைக்கும் எந்த ஒரு ஆண்ட்டி வைரஸ் புரோகிராமும் முழுமையான பாதுகாப்பினைத் தருவதாக இல்லை. ஏதேனும் ஒரு வகையில், பாதுகாப்பினைக் கோட்டை விடுவதாகவே இவை உள்ளன. எனவே, நாம் நம் அனுபவத்தில் நம்பிக்கை வைக்காத ஆண்ட்டி வைரஸ் சாப்ட்வேர் தொகுப்புகளை விட்டுவிட்டு, சரியான ஒன்றைத் தேர்ந்தெடுத்து அமைக்கலாம். கட்டணம் செலுத்தி, பல இணைப்பு புரோகிராம்களுடன், பெரிய அளவில் எந்த ஆண்ட்டி வைரஸ் புரோகிராமினையும் அமைக்க வேண்டாம். இலவசமாகக் கிடைக்கும் ஆண்ட்டி வைரஸ் புரோகிராமினை அமைத்தாலே போதுமானது. ஆனால், கட்டாயம் அவ்வப்போது அப்டேட் செய்யப்படும் ஆண்ட்டி வைரஸ் புரோகிராம் ஒன்று அவசியமாய் இயங்க வேண்டும்.

2. பேக் அப் சாப்ட்வேர்: நம் பைல்களை பேக் அப் எடுப்பதனை வழக்கமான ஒரு செயலாக மேற்கொள்ள வேண்டும். பலர் இதனை மிகவும் அக்கறையுடன் மேற்கொள்வதில்லை. ஹார்ட் ட்ரைவ் கிராஷ் ஆகி அதில் உள்ள பைல்களை மீட்டெடுக்க முடியாமல் போகும் நிலையில்தான், ""அய்யோ! பேக் அப் எடுக்காமல் போனேனே'' என்று வருத்தப்படுகின்றனர். இவர்களில் ஒருவராக நீங்கள் இருக்க வேண்டாம். குறிப்பிட்ட கால அளவில் பைல்களை பேக் அப் எடுத்துக் கொள்ளவும். அத்துடன், ட்ராப் பாக்ஸ், ஸ்கை ட்ரைவ் போன்ற க்ளவ்ட் கம்ப்யூட்டிங் முறையில் இயங்கும் பேக் அப் வசதிகளைப் பயன்படுத்தி, அவற்றிலும் உங்கள் பைல்களின் பேக் அப் காப்பிகளைப் பதிந்து வைக்கவும்.

3. தற்காலிக பைல்களை நீக்கும் புரோகிராம்: உங்கள் கம்ப்யூட்டர் செயல்பாட்டில், பல பைல்கள் தற்காலிகத் தன்மையுடன் உருவாக்கப்படுகின்றன. இவை கம்ப்யூட்டரில் உள்ள ஹார்ட் டிஸ்க்கில் இடத்தை அடைத்துக் கொண்டு, நம் பயன்பாட்டிற்கு இடம் இல்லாமல் ஆக்கிவிடுகின்றன. இதனாலேயே, கம்ப்யூட்டர் இயங்கும் வேகமும் படிப்படியாகக் குறைகிறது. எனவே, இவற்றை அடிக்கடி நீக்க வேண்டும். இந்த வகையில் அனைவரும் விரும்பும் புரோகிராம் சிகிளீனர் (CCleaner) ஆகும். அல்லது விண்டோஸ் இயக்கத்துடன் வரும் Disk Cleanup டூலையும் பயன்படுத்தலாம்.

4. விண்டோஸ் அப்டேட்: நாம் பயன்படுத்தும் சாப்ட்வேர் புரோகிராம்கள், நம் இணைய பிரவுசர்கள், ப்ளக் இன் புரோகிராம்கள், ப்ளாஷ், ஜாவா, ஏன் விண்டோஸ் கூட பாதுகாப்பினைக் கேள்விக் குறியாக்கும் குறியீடு பிழைகளைக் கொண்டிருக்கின்றன. இவற்றை அவ்வப்போது கண்டறியும் இந்த புரோகிராம்களைத் தந்த நிறுவனங்கள் அவற்றைச் சரி செய்திடும் வகையில், அப்டேட் பைல்களை இலவச மாக இணையத்தில் அளிக்கின்றன.

பாதுகாப்பாக கம்ப்யூட்டரை இயக்க வேண்டும் என்றால், அனைத்து சாப்ட்வேர் தொகுப்புகளையும் தொடர்ந்து அப்டேட் செய்து கொண்டே இருக்க வேண்டும். விண்டோஸ் மற்றும் முக்கியமான புரோகிராம்கள், தாங்களாகவே அப்டேட் செய்திடும் டூல்களுடன் உள்ளன. இவை தாமாகவே இயங்கி, நாம் இணைய இணைப்பில் இருக்கும்போது, தங்களை அப்டேட் செய்து கொண்டு நம்மிடமும் அது குறித்து அறிவிக்கின்றன. எனவே, இன்னொரு புரோகிராம் மூலம், இந்த சாப்ட்வேர் புரோகிராம்கள் அப்டேட் செய்யப்பட்டுவிட்டனவா எனச் சோதனையிட வேண்டியதில்லை.

இந்நிலையில் ஒன்று குறிப்பிட வேண்டியதுள்ளது. நீங்கள் ஜாவா இன்ஸ்டால் செய்திருந்தால், உடனடியாக அதனை அன் இன்ஸ்டால் செய்துவிடவும். பாதுகாப்பிற்கு தீங்கு விளைவிக்கும் வகையில் ஜாவா தற்போது உள்ளது. பெரும்பாலான இணையப் பயனாளர்கள், மிகப் பழைய ஜாவா புரோகிராம் இன்ஸ்டால் செய்து பயன்படுத்தி வருகின்றனர். இது இன்னும் மோசமானதாக்கும். பலருக்கு ஜாவா தேவை இருக்காது. எனவே, அதனை அன் இன்ஸ்டால் செய்வதே நல்லது.

5. வேண்டாதவை: தற்போது கிடைக்கும் விண்டோஸ் பல வழிகளையும், தடைகளையும் தாண்டி வந்துள்ள ஒன்றாகும். பிரச்னைக்குரிய பலவற்றை ஆய்வு செய்து, பாதுகாப்பான இயக்கத்திற்கான, மேலே சொன்ன பல டூல்களை, தன் சிஸ்டத்திலேயே விண்டோஸ் கொண்டுள்ளது. எனவே, எவை தற்போது வேண்டாதவை என்று பார்க்கலாம்.

5.1. டிஸ்க் டிபிராக்மெண்டர் (Disk Defragmenter): டிஸ்க்குகளில் பதியப்படும் பைல்கள் தங்கும் இடங்களை ஒழுங்கு படுத்தும் வேலையை மேற்கொள்வதே டிஸ்க் டிபிராக்மெண்டர் டூலாகும். இப்போது விண்டோஸ் இயக்கத்திலேயே இது கிடைக்கிறது.நாம் செயல்படுகையில், பின்னணியில் இயங்கி, பைல்களை ஒழுங்கு படுத்துகிறது. எனவே, தனியாக இந்த டூல் இயக்கம் தேவை இல்லை.

5.2 பயர்வால்: விண்டோஸ் சிஸ்டத்திலேயே பயர்வால் ஒன்று இணைக்கப்பட்டுத் தரப்படுகிறது. உங்கள் கம்ப்யூட்டர்களுக்குள் வருபவனவற்றை வடிக்கடி அனுப்புகிறது. கம்ப்யூட்டரிலிருந்து வெளியேறுபவற்றை வடிகட்டத் தேவை இல்லையே.

5.3 பிஷ்ஷிங் பில்டர் (Phishing Filter): நீங்கள் குரோம், பயர்பாக்ஸ், இன்டர்நெட் எக்ஸ்புளோரர் அல்லது ஆப்பரா என எந்த பிரவுசரைப் பயன்படுத்தினாலும், அதில் பிஷ்ஷிங் மற்றும் மால்வேர் பில்டர் டூல் ஒன்று இணைந்து இயங்கிக் கொண்டுதான் இருக்கும். எனவே, தனியாக மூன்றாவதான நிறுவன புரோகிராம் ஒன்றை இயக்கத் தேவை இல்லை. எடுத்துக்காட்டாக, ரெஜிஸ்ட்ரி கிளீனர், ட்ரைவர் கிளீனர், மெமரி ஆப்டிமைசர், கேம் பூஸ்டர் போன்ற தர்ட் பார்ட்டி புரோகிராம் எதுவும் தேவை இல்லை.

சில வேளைகளில், சூழ்நிலைகளைப் பொறுத்து சிகிளீனர் போன்ற தர்ட் பார்ட்டி டூல்கள் நமக்குத் தேவையாய் உள்ளன. நம் தேவைகளைப் பொறுத்து இவற்றைப் பயன்படுத்திக் கொள்ளலாம்.
Share:

மொபைல் இன்டர்நெட்டில் இருந்து உங்கள் குழந்தையை காப்பாற்றிட...!


தற்போது உள்ள சூழலில், சிறுவர்கள் உலகோடு தொடர்பு கொள்ள, பெர்சனல் கம்ப்யூட்டர், லேப்டாப், ஸ்மார்ட் போன் அல்லது டேப்ளட் என எதனையாவது பயன்படுத்தி இணையத்தோடு தொடர்பு ஏற்படுத்தி வருகின்றனர்.



இது அவர்களுக்குக் கிடைத்த வரப்பிரசாதம் என்றாலும், அனைத்து இணையதளங்களும் அவர்கள் பார்த்துப் பயன்படுத்தும் வகையில் இல்லை. சில தளங்கள், அவர்கள் பார்த்து அறியக்கூடாத விஷயங்களையும் கொண்டுள்ளன.

இணையத்தில் இந்த கருப்பு பக்கங்களிலிருந்து உங்கள் சிறுவர்களைக் காப்பாற்றும் வழிகளை நீங்கள் தெரிந்து கொண்டிருக்க வேண்டும்.

அது மட்டுமின்றி, நேரங் காலம் இல்லாம, தொடர்ந்து யு ட்யூப்பில் உள்ள வீடியோக்களைப் பார்ப்பது, அவர்கள் நண்பர்கள் பேஸ்புக்கில் என்ன பதிவு செய்துள்ளனர் என்பதில் அதிக நேரம் செல வழிப்பது போன்றவை, அவர்களின் கற்றல் நேரத்தை வீணடிப்பதாகும்.

இதற்கான வழி, சில இணையதளங்களை அவர்கள் பார்ப்பதிலிருந்து ஒதுக்கி வைப்பதாகும்.இதற்கான சில எளிய வழிகளைப் பார்ப்போம்.
அனைத்து பிரவுசர்களும், இணைய தளங்களைத் தடை செய்திடும் வசதியைக் கொண்டிருப்பதில்லை. எடுத்துக்காட்டாக, இன்டர் நெட் எக்ஸ்புளோரர் 7ல், சில தளங்களை அணுகவிடாமல் செய்திடலாம்.

ஆனால், அதன் பின்னர் வெளியான, இன்டர்நெட் எக்ஸ்புளோரர் 10 இந்த வசதியினைக் கொண்டிருக்கவில்லை. உங்களிடம் இன்டர்நெட் எக்ஸ்புளோரர் 7 இருந்தால், அதனைப் பயன்படுத்துங்கள்.

அதில், Tools, Internet Options, Content tab, Content Advisor என்று செல்லவும். பின்னர், Enable and then use the Approved sites tab to choose which sites to block என்பதில் கிளிக் செய்திடவும். இதில் இணையதளங்களைத் தேர்ந்தெடுத்துத் தடை செய்திடலாம்.

இதில் தடை செய்தாலும், வேறு பிரவுசர் வழியாக, உங்கள் மகன் அல்லது மகள் தடை செய்யப்பட்ட இணைய தளங்களைப் பார்க்கலாம். எனவே, தடையைச் சரியாக ஏற்படுத்த வேண்டும் என்றால், சம்பந்தப்பட்ட கம்ப்யூட்டரில், வேறு எந்த பிரவுசரும் இன்ஸ்டால் செய்யப்படிருக்கக் கூடாது. இன்ஸ்டால் செய்வதற்கான உரிமையும் அவர்களுக்குக் கிடைக்கக் கூடாது.

பல பெற்றோர்கள், அவர்களுடைய குழந்தைகள் பேஸ்புக்கில் அவர்களுக்கென ஓர் அக்கவுண்ட்டை லேப்டாப் அல்லது பெர்சனல் கம்ப்யூட்டரில் ஏற்படுத்த அனுமதிக்கின்றனர்.

நீங்கள் அவர்களுடைய அக்கவுண்ட்டைக் கண்காணிப்பதாக இருந்தால், இது நல்லதுதான். ஒவ்வொரு குழந்தைக்கும் ஒரு அக்கவுண்ட் திறக்கலாம். பிரவுசரில் கிடைக்கும் 'black list' வசதி மற்றும் கம்ப்யூட்டரில் இயக்கப்படும் Parental Control software மூலம், தேவையற்ற இணைய தளங்களை, சிறுவர்கள் பார்க்காதவாறு தடுக்க வேண்டும்.

ஓர் இணைய தளத்தினைத் தடை செய்கையில், அதனுடன் சார்ந்த மற்றவற்றையும் தடை செய்திட வேண்டும்.

எடுத்துக்காட்டாக, www.facebook.comதடை செய்தால், m.facebook.com என்னும் மொபைல் பதிப்பினையும் தடை செய்திட வேண்டும். இதில் ஏதாவது விட்டுவிட்டோம் என்றால், நம் புத்திசாலிக் குழந்தைகள், நம் தடைகளை மீறி, இத்தளங்களைக் காணத் தொடங்கிவிடுவார்கள்.

Parental control software என அழைக்கப்படும் சாப்ட்வேர் அப்ளிகேஷன்கள் இப்போது எளிதாகக் கிடைக்கின்றன. இவற்றில் ஒன்றை, நம் கம்ப்யூட்டரில் இன்ஸ்டால் செய்து செட் செய்து வைத்திருக்க வேண்டும்.

இதன் மூலம் தேவையற்ற இணைய தளங்களை அணுகாத வகையில் தடை ஏற்படுத்தலாம். தொடர்ந்து இத்தடை செயல்பட்டு வருகிறதா எனப் பார்ப்பதுவும் நம் கடமையாகும்.

தடை ஏற்படுத்த வசதி செய்வதுடன், இத்தகைய சாப்ட்வேர் அப்ளிகேஷன்கள், ஒரு சிறுவன் எவ்வளவு நேரம் இணை யத்தைப் பயன்படுத்தலாம் எனவும் வரையறை செய்திட உதவுகின்றன.

மேலும் எந்த நேரங்களில், இவர்கள் இணையத்தைப் பயன்படுத்தலாம் எனவும், வரையறை செய்திடலாம். மைக்ரோசாப்ட் நிறுவனம் இந்த சாப்ட்வேர் தொகுப்பினை (Family Safety) இலவசமாகவே தருகிறது.
Share:

டவுண்லோட் செய்த பைலில் வைரஸ் உள்ளதா?

நீங்கள் ஏதேனும் பைல் ஒன்றை டவுண்லோட் செய்கையில், திடீரென அதே தளத்திலிருந்து, "Yourantivirus will complain that this download is a virus, but don't worry — it's a false positive.”என செய்தி கிடைக்கும். ""உங்கள் ஆண்ட்டி வைரஸ் இந்த பைலை வைரஸ் எனச் சொன்னால், கவலைப்பட வேண்டாம். இது தவறான உறுதி'' என்ற பொருளில் இது தரப்படுகிறது. இதனைக் கண்ணுற்ற சிலர் தொடர்வார்கள். சிலரோ, "எதற்கு வம்பு” என, டவுண்லோட் செய்வதனை நிறுத்திவிடுவார்கள். சரியான உண்மையை எப்படி அறிவது? இது சரிதான் என்று நீங்கள் எண்ணி, டவுண்லோட் செய்தாலும், ஏன், இது போன்ற செய்தியைக் கூறியே, மால்வேர்களைச் சிலர் நம் கம்ப்யூட்டருக்குள் அனுப்பலாமே என்ற சந்தேகமும் நமக்குக் கிடைக்கும். பின் எப்படித்தான் சந்தேகத்தினைத் தீர்த்துக் கொள்ளலாம்?



1. வைரஸ் டோட்டல் அனுப்பவும்: அனைத்து ஆண்ட்டி வைரஸ் புரோகிராம்களும் ஒரே தப்பை செய்திடாது. எனவே, டவுண்லோட் ஆகும் பைலைத் திறந்து பார்க்காமல்,https://www.virustotal.com/ என்ற இணையதளம் செல்லவும். சந்தேகத்திற்கு இடமான பைலை அப்லோட் செய்திடவும். இங்கு 45 வெவ்வேறான ஆண்ட்டி வைரஸ் கொண்டு, உங்கள் பைலில் வைரஸ் உள்ளதா எனச் சோதனையிடப்பட்டு, முடிவுகள் காட்டப்படும். சில முடிவுகள், வைரஸ் என்று சொன்னால், நிச்சயம் அந்த பைலைச் சந்தேகப்பட வேண்டும்.

2.டவுண்லோட் செய்த தளத்தை சந்தேகப்படு: வைரஸ் உள்ளது எனச் சந்தேகப்பட்டால், எந்த தளத்திலிருந்து இந்த பைல் டவுண்லோட் செய்யப்பட்டதோ, அந்த தளத்தைச் சந்தேகப்பட வேண்டியதுதான். நீங்கள் கூகுள் தேடல் மூலம் இந்த பைல் இருக்கும் தளத்தை அறிந்து, அந்த பைலை இன்னொரு தர்ட் பார்ட்டி தளத்திலிருந்து பெற்றிருந்தால், நிச்சயம் அது வைரஸாக இருக்கலாம். ஆனால், பைல் தயாரித்து வழங்கும் நிறுவனத்தின் இணைய தளத்திலிருந்தே பெற்றிருந்தால், இணைய தளம், வைரஸால் தாக்கப்பட்டு, போலியான ஒன்றாக அமைக்கப்பட்டிருக்கும்.

3.மால்வேர் குறித்து சோதனை: உங்களுடைய ஆண்ட்டி வைரஸ், குறிப்பிட்ட பைலை மால்வேர் எனக் குறிப்பிட்டால், நிச்சயம் அதற்கு ஒரு பெயரைச் சுட்டிக் காட்டும்.இந்த பெயரை, கூகுள் தேடல் தளத்தில் கொடுத்துத் தேடினால், இந்த வைரஸ் பற்றிய தகவல்களும், அது எப்படி எல்லாம் பரவுகிறது என்றும் தகவல்கள் கிடைக்கும். இவற்றைக் கொண்டு, அந்த பைல் மற்றும் அது கொண்டு வரும் வைரஸ் குறித்து அறியலாம்.

ஆனால், பொதுவான ஓர் எச்சரிக்கையை நாம் மனதில் கொள்ள வேண்டும். ஏதேனும் ஒரு வகையில், பைல் ஒன்று வைரஸ் ஆக இருக்கும் என அறிந்தால், அதனை இயக்காமல் இருப்பது நல்லது. இறக்கியிருந்தால், அழித்துவிடுவது நல்லது.
Share:

என்னை பற்றி...

My photo
Am Working as Assistant Professor in the Department of Information Technology at Sri Sairam Institute of Technology, Chennai.

முக்கிய செய்திகள்...

நாள்காட்டி

வானிலை



IP and Flag Counter

Wikipedia

Search results

QR Code Generator

All Conversion Widget

Recent Posts

Blog Archive

Copyright © பொன். சுதாகர் | Powered by Blogger
Design by SimpleWpThemes | Blogger Theme by NewBloggerThemes.com & Distributed By Bloggertemplates4u