வாட்ஸ் ஆப் ஸ்டேட்டஸ் இல் உள்ள வீடியோகளை டவுன்லோட் செய்ய...

உங்கள் ஸ்மார்ட்போனில், உங்கள் நண்பரின் வாட்ஸ் ஆப் ஸ்டேட்டஸை எப்படி எளிதாக உங்களுடைய ஸ்மார்ட்போனில் பதிவிறக்கம் செய்து, அதை உங்கள் வாட்ஸ் ஆப் ஸ்டேட்டஸ் இல் பதிவிடலாம் என்பதைப் பார்க்கலாம்.

செயல்முறை 1

• உங்கள் ஆண்ட்ராய்டு ஸ்மார்ட்போனில் கூகுள் ஃபைல்ஸ் (Google Files) டவுன்லோட் செய்துகொள்ளுங்கள்
• மேல் இடது மூலையில் உள்ள மெனு ஐகானைத் கிளிக் செய்யவும்
• செட்டிங்ஸ் கிளிக் செய்யவும்
• செட்டிங்ஸ் உள்ளே சென்று 'ஷோ ஹிடன் ஃபைல்ஸ்'(show hidden files) கிளிக் செய்யவும்

செயல்முறை 2

• உங்கள் போனில் உள்ள ஃபைல் மேனேஜர்(File manager) செல்லவும்
• Internal storage>WhatsApp>Media>Statuses இதைப் பின்பற்றுங்கள்
• நீங்கள் பார்வையிட அனைத்து ஸ்டேட்டஸ்களும் காண்பிக்கப்படும், விரும்பிய வீடியோ ஸ்டேட்டஸை கிளிக் செய்யவும்
• விரும்பிய ஸ்டேட்டஸை லாங் பிரஸ் செய்து வேறு இடத்தில் சேவ் செய்துகொள்ளுங்கள்
• இந்த செயல்முறைகள் ஒரு ஆண்ட்ராய்டு சாதனத்திலிருந்து மற்றொரு சாதனத்திற்கு வேறுபடலாம் என்பது குறிப்பிடத்தக்கது.
• இந்த செயல்முறையைப் பயன்படுத்தி நீங்கள் பார்வையிட உங்கள் நபரின் ஸ்டேட்டஸை பதிவிறக்கம் செய்து, உங்கள் ஸ்டேட்டஸ் இல் பதிவேற்றம் செய்து ஷேர் செய்துகொள்ளலாம்.

Read More

மின்னஞ்சல் முகவரியில் @ என்ற சின்னம் எப்படி வந்தது?

ஒவ்வொருவருடைய மின் அஞ்சல் முகவரியிலும் “@” என்ற சின்னம் வருவது யாவரும் அறிந்ததே. இந்தச் சின்னம் எப்படிப் புழக்கத்தில் வந்தது?மின் அஞ்சல் முகவரியில் முதன் முதலாக இந்த @ சிம்னத்தை உபயோகித்தது “ரே டாம்லின்ஸன்” (Ray Tomlinson) என்னும் ஒரு கம்ப்யூட்டர் பொறியாளர். இவர் 1971ஆம் ஆண்டு முதலில் தனக்குத் தானே ஒரு மின் அஞ்சலை இந்தச் சின்னத்தை உபயோகித்து அனுப்பிக்கொண்டார்.

ஏன் இவர் இந்தச் சின்னத்தை தேர்ந்தெடுத்தார்?

அவர் சொல்கிறார், ” கீ போர்டில் அக்கரையுடன் பார்த்தேன் எவருடைய பெயரிலிலும் வராததும், குழப்பம் விளைவிக்காததுமாக சின்னம் இருக்கிறதா என்று, பின் இதைத் தேர்ந்தெடுத்தேன்.” என்று சொன்னார்.

இந்த @ சின்னம் கம்ப்யூட்டர் கீ போர்டில் எப்படி இடம் பெற்றது?

மொழி வல்லுனர்கள், எப்படி என்பதில், ஒத்துப்போகவில்லை. சிலர் நினைத்தனர், மத்திய காலத்தில் (Early Middle ages), துறவிகள் கையெழுத்துப் ப்ரதிகளை சிரமத்துடன் படிக்கும்பொழுது லத்தீன் மொழி வார்த்தை “ad”, “at” or “towards” or “By” என்று பல அர்த்தங்களைக் கொண்டிருப்பதைக் கண்டனர்.

அநேக வல்லுனர்கள் இந்த @ சின்னம் சமீப காலத்தில், அதாவது 18ஆம் நூற்றாண்டில் புழக்கத்திற்கு வந்ததுதான், பொருட்களின் விலையை குறிப்பிட ஏற்பட்டதுதான் என்று வாதாடினர். அதாவது உதாரணமாக 10 பென்சுக்கு 5 ஆப்பிள் (“5 apples @ 10 pence.” ).மற்றும் ஒரு மொழி வல்லுனர், ஆராய்ச்சியாளர் Denis Muzerelle சொல்கிறார், இது ஃப்ரெஞ்ச், ஜெர்மானிய, வியாபாரிகள் எழுத்து “a”யை வேகமாக உச்சரிக்கும் பொழுது ஏற்பட்ட திரிபு என்கிறார்.

ஆனால் ஜூலை மாதம் 2000 ஆண்டில் இத்தாலிய ஆரய்ச்சியாளர் ஒருவர், இந்த சின்னம் @ 14ஆம் நூற்றாண்டின் வியாபார தஸ்தாவேஜுகளில் இந்தக் குறி காணப்படுவதைக் கண்டுபிடித்தார். இந்தச் சின்னம் ஒரு அளவை the “anfora,” or jar குறிக்க உபயோகிக்கப்பட்டது என்றார்.

Giorgio Stabile 1492ஆம் வருடத்திய லத்தீன் – ஸ்பானிஷ் அகராதியில் “anfora” என்பது “arroba” ( ஒரு நிறுவளளவை) என்று மொழிபெயர்க்கப்பட்டுள்ளது என்பதைக் கண்டுபிடித்தார். ஆகையால், 1885ல் வியாபரரீதியான “a” (the “commercial a”) முதல் மாடலான அண்டர்வுட் தட்டச்சு மெஷினில் சேர்க்கப்பட்டது இயற்கையே.

80 வருடங்களுக்குப் பிறகு அங்கிருந்து ஸ்டாண்டெர்ட் கம்ப்யூட்டர் கேரக்டரில் (Such as ASCII) இடம் பெயர்ந்துவிட்டது. (It’s therefore natural that, in 1885 the “commercial a” was included on the keyboard of the first model of Underwood typewriter and from there migrated into the standard set of computing characters (such as ASCII) 80 years later. )

தற்போதைய பிரச்சனை இந்த @ சின்னத்தை எப்படி உச்சரிப்பது?

ஸ்பானியர்கள் இதை “arroba” என்றும், ஃப்ரெஞ்ச்காரர்கள் “arobase.” என்றும், அமெரிக்கர்களும், பிரிட்டிஷாரும் “at-sign.” என்றும், ஜெர்மானியர் (“at-Zeichen”), என்றும், எஸ்தோனியர் (“at-mark”) என்றும், ஜப்பானியர் (“atto maak”). என்றும் உச்சரிக்கிறார்கள்.

ஆயினும், அதிகமான பாஷைகளில், இந்த சின்னம், பலதரப்பட்ட உருவகம், பொதுப்படையாக, பிராணிகளுக்கு ஒப்பிட்ப்படுகிறது. ஜெர்மானியர், ஃபின்ஸ், ஹங்கேரியன், போல்ஸ், தெற்கு ஆப்பிரிக்கர்கள், இந்தச் சின்னத்தைக் குரங்க்கின் வாலாகப் பார்க்கிறர்கள். மற்றும் சிலர் நத்தைக்கு ஒப்பிடுகிறார்கள். இப்படியாகப் பலவிதம்.

Read More

நீங்கள் மரணிக்கும் தருவாயில் கூகுள் அக்கவுண்ட் டேட்டாவை அழிப்பது எப்படி?

ஜிமெயில் அல்லது கூகுள் அக்கவுண்ட்கள் நம் மின்னஞ்சல்களை சேமித்து வைப்பதோடு மட்டுமின்றி, கூகுள் செயலிகளான மேப்ஸ், காலண்டர், கீப், போட்டோஸ், டிரைவ் மற்றும் யூடியூப் போன்றவற்றை இயக்குவதற்கான காரணிகளாகவும் இருக்கின்றன. உங்களின் சொந்த விவரங்களை உங்களால் நிர்வகிக்க முடியாத காலக்கட்டத்தை பற்றி என்றேனும் நினைத்திருக்கிறீர்களா? பெரும்பாலும் யாரும் இப்படி நினைக்க வாய்ப்புகள் குறைவு தான் எனலாம்.

ஃபேஸ்புக்கில் ஒருவர் மரணித்ததும், அவரது அக்கவுண்ட்டினை மெமேரியலைஸ் செய்யும் வசதி வழங்கப்படுகிறது. கூகுளை பயனர்கள் அவர்களின் காண்டாக்ட்களில் இருப்பவரை தேர்வு செய்து வைக்கும் வசதி வழங்கப்படுகிறது. பின் குறிப்பிட்ட சில காலத்திற்கு ஒருவர் அக்கவுண்ட்டினை பயன்படுத்தாமல் இருக்கும் பட்சத்தில், அவர் ஏற்கனவே தேர்வு செய்தவர்கள் அக்கவுண்ட்டின் விவரங்களை இயக்க முடியும்.

இவ்வாறு இருக்கும் டேட்டாவை ஒரு பட்டனை க்ளிக் செய்தே அழித்து விட முடியும். எதிர்காலத்தில் உங்களின் கூகுள் டேட்டாவை பாதுகாக்க நீங்கள் என்ன செய்ய வேண்டும் என்பதை பார்ப்போம்.

myaccount.google.com வலைத்தளம்

- முதலில் myaccount.google.com வலைத்தளம் செல்ல வேண்டும்.

- இனி, பிரைவசி மற்றும் பெர்சனலைசேஷன் பகுதியில் இருக்கும் மேனேஜ் யுவர் டேட்டா ஆப்ஷனை தேர்வு செய்ய வேண்டு.

- இனி கீழ்புறமாக ஸ்கிரால் செய்து டேட்டாவினை டவுன்லோடு, டெலீட் போன்ற ஆப்ஷன்களில் ஒன்றை தேர்வு செய்யலாம்.

- அடுத்து Start ஆப்ஷனை க்ளிக் செய்ய வேண்டும்.

உங்களின் காண்டாக்ட் விவரங்களை அப்டேட் செய்ய வேண்டும்

- உங்களின் அக்கவுண்ட் இன்-ஆக்டிவ் என தேர்வு செய்ய எத்தனை காலம் கூகுள் காத்திருக்க வேண்டும் என்பதை தேர்வு செய்ய வேண்டும். இதில் கூகுள் 3, 6, 12 மற்றும் 18 மாதங்களை தேர்வு செய்யும் ஆப்ஷனாக வழங்குகிறது.

- அடுத்து, கூகுள் உங்களை தொடர்பு கொள்ள மொபைல் நம்பர் ஒன்றை வழங்க வேண்டும். இதனை இங்கு பதிவிடலாம். மேலும் உங்களின் நெருங்கிய உறவினரின் மொபைல் நம்பரையும் வழங்கலாம்.

- இனி உங்களை தொடர்பு கொள்ள வேண்டிய மின்னஞ்சல் முகவரி மற்றும் மாற்று மின்னஞ்சல் முகவரியை வழங்க வேண்டும்.

- அடுத்து Next ஆப்ஷனை க்ளிக் செய்ய வேண்டும். தகவல் வழங்கப்பட வேண்டிய நபர்களை தேர்வு செய்ய வேண்டும் - முதலில் Add person ஆப்ஷனை க்ளிக் செய்ய வேண்டும்.

- நண்பர் அல்லது குடும்பத்தாரின் மின்னஞ்சல் முகவரியை டைப் செய்து Next ஆப்ஷனை க்ளிக் செய்ய வேண்டும்.

- அவர்களுடன் பகிர்ந்து கொள்ளப்பட வேண்டிய விவரங்களை தேர்வு செய்து Next ஆப்ஷனை க்ளிக் செய்ய வேண்டும்.

- இனி காண்டாக்ட்டின் மொபைல் நம்பர் பதிவிட்டு Save ஆப்ஷனை க்ளிக் செய்ய வேண்டும். அந்த நபருக்கு வழங்க தனிப்பட்ட றுந்தகவல் ஒன்றையும் வழங்கலாம்.

- இந்த வழிமுறையை பின்பற்றி பத்து நபர்களை சேர்க்க முடியும். அந்த வகையில் நீங்கள் தேர்வு செய்தவர்களுக்கு இந்த விவரத்தை வழங்க Next ஆப்ஷனை க்ளிக் செய்ய வேண்டும்.

கூகுள் அக்கவுண்ட்டை அழிக்க வேண்டுமா என்பதை முடிவு செய்ய வேண்டும்

- இவ்வாறு செய்த பின் 'Yes, delete my inactive Google Account' பட்டனை க்ளிக் செய்தால், உங்கலின் கூகுள் அக்கவுண்ட் டெலீட் செய்யப்பட்டு விடும்.

- அடுத்து Review Plan ஆப்ஷனை க்ளிக் செய்து Confirm Plan ஆப்ஷனை தேர்வு செய்தால் வேலை முடிந்ததும்.

- உங்களது திட்டத்தை ஆஃப் செய்ய Turn off my plan ஆப்ஷனை க்ளிக் செய்ய வேண்டும்.

Read More

இன்பாக்ஸில் உங்களுக்குத் தொல்லை தரும் விளம்பர மெயில்களை தடுப்பது எப்படி?

இ-மெயில் முகவரியில் தேவையற்ற விளம்பர அஞ்சல்களை நீக்குவதே மிகப் பெரிய வேலையாக இருக்கிறது, எனவே இந்த தேவையற்ற விளம்பர மெயில்களை தடைசெய்ய ஏதாவது வழி இருக்கிறதா என்ற கேள்வி இருக்கும், நிச்சயம் வழி இருக்கிறது.

பொதுவாக ஏதேனும் ஒரு குறிப்பிட்ட நிறுவனத்திடமிருந்து மட்டும் தொடர்ந்து மின்னஞ்சல்கள் வந்தால் அதன் mail list-லிருந்து unsubscribe செய்துகொள்ளலாம் என்பது குறிப்பிடத்தக்கது.

நிறைய நிறுவனங்களிடமிருந்து மின்னஞ்சல்கள் வரும்பட்சத்தில் ஒவ்வொன்றாக இப்படிச் செய்வது கடினம், இதற்கு என்ன செய்யவேண்டும் என்றால் unroll.me என்ற தளத்திற்கு சென்று நம் ஜிமெயிலை வைத்து லாகின் செய்தால் ஒட்டுமொத்தமாக இதுவரை எந்தெந்த நிறுவனங்களில் இருந்தெல்லாம் மின்னஞ்சல்கள் வருகின்றன என்பதை ஒரே இடத்தில் தெரிந்துகொள்ள முடியும்.

பின்பு அவற்றை அங்கியே unsubscribe செய்துவிடமுடியும், குறிப்பாக இந்த சேவை பயன்படுத்துவதற்கு unroll.me தளம் உங்கள் ஜிமெயில் தகவல்களை பயன்படுத்தும். அதே சமயம் சில வணிக நோக்கங்களுக்காகவும் பயன்படுத்தும் என்பது குறிப்பிடத்தக்கது.

மேலும் unroll me தொடராமல் இருக்க வேண்டும் என்றால், ஒருமுறை unroll-ல் மின்னஞ்சல்களை unsubscribe செய்துவிட்டு உங்களின் ஜிமெயிலின் third-party apps with account access பகுதிக்குச் சென்று unroll me-க்கான access-ஐ எளிமையாக நீக்கிவிடலாம் என்பது குறிப்பிடத்தக்கது.

Read More

வாட்ஸ்ஆப்பில் போலியான 'லாஸ்ட் சீன்' உருவாக்க...

நம்மில் பெரும்பாலோனோர்கள் வாட்ஸ்ஆப் 'லாஸ்ட் சீன்' மூலம் ஏற்படும் உட்பூசல்களையும், உறவுகளுக்கு இடையிலேயான கலவரங்களையும் சந்தித்த பழக்கம் கொண்டிருப்போம். அப்படியான சிக்கல் மிகுந்த அம்சமான 'வாட்ஸ்ஆப் லாஸ்ட் சீனை' மறைத்தாலும் பிரச்சனை, மறைக்காமல் வெளிப்படுத்தினாலும் பிரச்சனை என்பவர்களுக்கு இந்த போலியான 'லாஸ்ட் சீன்' தந்திரம் மிக உபயோகமாக இருக்கும் என்பதில் சந்தேகமே வேண்டாம்.

சரி, வாட்ஸ்ஆப்பில் போலியான 'லாஸ்ட் சீன்' உருவாக்குவது எப்படி என்ற எளிமையான வழிமுறைகளை பார்ப்போம்..!

பேக்-அப் : வழிமுறைகளை பின்பற்ற ஆரம்பிக்கும் முன்பு உங்கள் அனைத்து வாட்ஸ்ஆப் சாட்களையும் பேக்-அப் எடுத்து வைத்துக்கொள்ளவும். (ஓப்பன் வாட்ஸ் ஆப் -> செட்டிங்ஸ் -> சாட் செட்டிங்ஸ் -> பேக்அப் கான்வெர்ஷேஷன்)

போலியான வாட்ஸ்ஆப் லாஸ்ட் சீன் : சில நொடிகள் எடுத்துக்கொள்ளும் இந்த பேக்அப் செயல்முறைக்கு பின்னர் போலியான வாட்ஸ்ஆப் லாஸ்ட் சீனை உருவாக்கும் வழிமுறைகளை பின்பற்றவும்

ஜிபிவாட்ஸ்ஆப் + ஏபிகே ஆப்பை (GBWhatsApp + Apk) பதிவிறக்கம் செய்து உங்கள் ஸ்மார்ட்போனில் நிறுவவும்.

ஜிபிவாட்ஸ்ஆப் + ஏபிகே ஆனது ஒரு திருத்தப்பட்ட வாட்ஸ்ஆப் பதிப்பாகும் மற்றும் இதன் மூலம் உங்கள் வாட்ஸ்ஆப் லாஸ்ட் சீனை நிறுத்தி வைக்க முடியும்.

ஜிபிவாட்ஸ்ஆப் + ஏபிகே ஆப்பை நிறுவிய பின், ஜிபிவாட்ஸ்ஆப் + ஏபிகே ஆப் ஐகானை திறந்து, மெனுவை கிளிக் செய்யவும்.

பின் உங்கள் மொபைல் திரையில் ஒரு நீண்ட ஆப்ஷன்கள் கொண்ட பட்டியலை பார்ப்பீர்கள் அதில் ப்ரைவசி செட்டிங்கை தேர்வு செய்யவும்.

ப்ரைவசி செட்டிங்கின் கீழ், ஹைட் ஆன்லைன் ஸ்டேட்டஸ் ஆப்ஷனை தேர்வு செய்யவும்.

நீங்கள் ஹைட் ஆன்லைன் ஸ்டேட்டஸ் ஆப்ஷனை தேர்வு செய்ததுமே வாட்ஸ்ஆப்பின் 'மோடட் வெர்ஷன்' ஆனது குறிப்பிட்ட நிகழ்நேரத்தை பதிவு செய்து கொள்ளும் மற்றும் அந்த நேரம் தான் உங்களின் அனைத்து வாட்ஸ்ஆப் தொடர்புகளுக்கும் உங்களின் லாஸ்ட் சீன் என்பது போல காட்சிப்படுத்தும்.

Read More

ஃபேஸ்புக் டேட்டாவை பயன்படுத்தும் செயலிகளை தடுப்பது எப்படி?

ஃபேஸ்புக் நிறுவனத்தின் தகவலை பயன்படுத்தி பல மில்லியன் பயனாளிகள் மூன்றாவது தளத்தில் உள்நுழைய அனுமதிப்பது என்பது தெரிந்ததே. இந்த வகையில் பயனாளிகளின் பெர்சனம் தகவல்கள் மற்றும் பிரெளசிங் விபரங்கள் இதனால் டிராக் செய்யப்பட்டு அதன் மூலம் ஆன்லைன் புரபைல் செய்வது என்பதும், அதனை கம்ப்யூட்டர் அனுமதித்து ஒரு குறிப்பிட்ட இணையதளத்தில் அனுமதிப்பது என்பதும் வழக்கமாகியுள்ளது. இந்த முறையில் தான் டேட்டாக்களை கேம்பிரிட்ஜ் அனாலிட்டிக்கா நிறுவனம் முறைகேடு செய்தது.

இவ்வாறு ஃபேஸ்புக் நிறுவனம் பல்வேறு விளம்பர நிறுவனங்கள் மற்றும் மூன்றாவது பார்ட்டி நிறுவனங்களை அனுமதிப்பது அதிகளவிலான பயனாளிகளுக்கு அதிர்ச்சியை அளித்துள்ளது. அவ்வாறு அதிர்ச்சி அடைந்தவர்களில் நீங்களும் ஒருவர் என்றால், உங்களுடைய ஃபேஸ்புக் விபரங்கள் பாதுகாப்பாக இருக்க வேண்டும் என்று கருதினால் கீழ்க்கண்ட வழிமுறைகளை பின்பற்றுங்கள்.

டெஸ்க்டாப் மற்றும் மொபைல் மூலம் ஃபேஸ்புக் இணையதளங்களை பயன்படுத்துபவர்களுக்கு:

1. முதலில் ஃபேஸ்புக் செயலி செட்டிங் பக்கத்திற்கு செல்லவும்
2. அதன் பின்னர் அந்த செயலியின் கீழ் உள்ள எடிட் என்ற பகுதி உள்ள பகுதிக்கு செல்லவும்
3. அதன் பின்னர் டிஸேபிள் என்பதை டேப் செய்யவும்

ஆண்ட்ராய்டு ஃபேஸ்புக் செயலியை பயன்படுத்துபவர்களுக்கு

1. ஃபேஸ்புக் செயலியை முதலில் அக்சஸ் செய்யவும்
2. பின்னர் செயலியின் வலது மேல்பக்கம் உள்ள ஹம்பர்கர் மெனுவை டேப் செய்யவும்
3. அதில் ஸ்குரோல் செய்து செட்டிங்ஸ் & பிரைவசி என்பதை கிளிக் செய்யவும்
4. அக்கவுண்ட் செட்டிங் க்ளிக் செய்யவும்
5. அதில் உள்ள ஆப்ஸ் என்பதை க்ளிக் செய்யவும்
6. பிளாட்பார்ம் என்பதை க்ளிக் செய்யவும்
7. எடிட் என்பதை க்ளிக் செய்யவும்
8. அதன் பின்னர் டர்ன் ஆப் என்பதை தேர்வு செய்துவிடவும்


இதனால் எல்லாவிதமான மூன்றாம் பார்ட்டி லிங்குகள் டிஸேபிள் செய்யப்பட்டுவிடும். இதனால் நீங்கள் இப்போது ஃபேஸ்புக் செயலியை தைரியமாக பயன்படுத்தலாம். இதன் மூலம் நீங்கள் ஃபேஸ்புக்கை லாக் அவுட் செய்யாமல் வெளியேறிவிட்டாலும் மீண்டும் ஃபேஸ்புக்கை பயன்படுத்தும்போது லாகின் செய்ய வேண்டும் என்பது குறிப்பிடத்தக்கது.

மேலும் பாஸ்வேர்டை ரீசெட்டிங் செய்வதன் மூலம் உங்கள் ஃபேஸ்புக் அக்கவுண்ட் கூடுதல் பாதுகாப்பை பெறும். இவைகளை செய்வது உங்களுக்கு பெரிய வேலையாக தோன்றினால் கீழ்க்கண்ட ஸ்டெப்களை பின்பற்றவும்.

டெக்ஸ்டாப் மற்றும் மொபைல் மூலம் ஃபேஸ்புக் இணையதளத்தை பயன்படுத்துபவர்கள்

1. ஃபேஸ்புக் செயலியில் உள்ள செட்டிங் பக்கம் செல்லவும்
2. அதன் பின்னர் ஆப்ஸ் அதர் யூஸ் என்பது வரும் வரை ஸ்குரோல் செய்யவும்
3. எடிட்டை டேப் செய்யவும். இப்போது உங்கள் ஃபேஸ்புக் விபரங்களை நண்பர்கள் மற்றும் மூன்றாம் பார்ட்டி செயலிகள் பயன்படுத்தும் வகையில் இருக்கும். இதில் உங்கள் டேட்டா, பிறந்த நாள் , செயலியின் ஆக்டிவிட்டி, குடும்பத்தினர் விபரங்கள், உள்பட அனைத்தும் ஆன்லைனில் இருக்கும்.
4. அனைத்தையும் அன்செக் செய்து சேவ் செய்துவிடவும்

ஆண்ட்ராய்டு செயலி மூலம் ஃபேஸ்புக் பயன்படுத்துபவர்களுக்கு

1. பேஸ்புக் செயலியை அக்சஸ் செய்யவும்
2. ஹம்பர்கர் மெனுவை டேப் செய்யவும்
3. அதில் ஸ்குரோல் செய்து செட்டிங்ஸ் & பிரைவைசியை தேர்வு செய்யவும்
4. அக்கவுண்ட் செட்டிங்ஸ் க்ளிக் செய்யவும்
5. ஆப்ஸ் கிளிக் செய்யவும்
6. ஆப்ஸ் அதர் யூஸ் என்பதை க்ளிக் செய்யவும்
7. அனைத்தையும் அன்செக் செய்யவும்

Read More

வெறும் வயிற்றில் வெந்தயம் சாப்பிட்டால்.....

வெயில் காலத்தில் உடம்பு சூடு பிடித்து, அதனால் சிறுநீர் கழிக்கும் போது எரிச்சல், வயிற்று வலி போன்றவற்றை சந்திப்போம். இந்த மாதிரியான தருணத்தில் உடல் வெப்பத்தை தணிக்க மிகவும் எளிமையான ஒரு வழி ஒன்று உள்ளது. அது என்னவெனில் காலையில் எழுந்ததும் வெறும் வயிற்றில் சிறிது வெந்தயத்தை வாயில் போட்டு, தண்ணீர் குடிக்க வேண்டும்.

இப்படி தினமும் செய்து வந்தால், உடல் வெப்பம் குறைந்து, பராமரிக்கப்படும். மேலும் வெந்தயத்தை தினமும் சாப்பிடுவதால், பல்வேறு நன்மைகள் கிடைக்கும். இங்கு வெந்தயத்தை சாப்பிடுவதால் கிடைக்கும் நன்மைகள் பட்டியலிடப்பட்டுள்ளன.

கொலஸ்ட்ரால் குறையும்

வெந்தயம் உடலில் உள்ள கெட்ட கொலஸ்ட்ராலை குறைப்பதாக ஆய்வுகளில் தெரியவந்துள்ளது. அதிலும் காலையில் தினமும் வெறும் வயிற்றில் வெந்தய பொடியை நீரில் கலந்து குடித்தால், இன்னும் நல்ல பலன் தெரியும்.

உடல் சூடு குறையும்

உடல் வெப்பம் அதிகம் இருந்தால், காலையில் வெறும் வயிற்றில் வெந்தயத்தை வாயில் போட்டு தண்ணீர் குடியுங்கள்.

இதய நோய்

வெந்தயத்தில் பொட்டாசியம் அதிகம் இருப்பதால், இதய நோய் வருவதற்கான வாய்ப்பு குறையும். மேலும் வெந்தயம் கொலஸ்ட்ரால் அளவைக் குறைப்பதால், இதய பிரச்சனைகள் வர வாய்ப்பு இல்லை.

நீரிழிவு

வெந்தயத்தில் உள்ள அமினோ ஆசிட், இன்சுலின் உற்பத்தியைத் தூண்டும். எனவே நீரிழிவு நோயாளிகள் தினமும் காலையில் வெந்தயத்தை வெறும் வயிற்றில் சாப்பிட்டு வருவது நல்லது.

மலச்சிக்கல்

வெந்தயத்தில் கரையும் நார்ச்சத்து இருப்பதால், இதனை காலையில் வெறும் வயிற்றில் சாப்பிட்டு வர, மலச்சிக்கல் பிரச்சனை நீங்கும்.

செரிமான பிரச்சினைகள்

செரிமான பிரச்சனை உள்ளவர்கள், வெந்தயத்தை சாப்பிட்டால் நல்ல நிவாரணம் கிடைக்கும். ஏனெனில் இதில் நார்ச்சத்து, கால்சியம், இரும்புச்சத்து, கார்போஹைட்ரேட், புரோட்டீன் மற்றும் கனிமச்சத்துக்கள் உள்ளன.

அதிலும் இதனை இரவில் நீரில் ஊற வைத்து, மறுநாள் காலையில் அந்த நீரைக் குடித்து வந்தாலோ அல்லது காலையில் வெந்தயத்தை வாயில் போட்டு தண்ணீர் குடித்து வந்தாலோ, செரிமான பிரச்சனைகள், அல்சர் போன்றவை நீங்கும்.

எடை குறையும்

வெந்தயத்திற்கு உடல் எடையைக் குறைக்கும் திறன் உள்ளது. மேலும் இதனை சாப்பிடுவதால், அதில் உள்ள நார்ச்சத்து வயிற்றை நிரப்பி, நீண்ட நேரம் பசி எடுக்காமல் தடுத்து, உடல் எடை குறைய உதவும்.

Read More

YT Cutter என்ற இணையதளம்

யூடியூப் வீடியோவை தனியே பதிவிறக்கம் செய்து, எடிட் செய்து வாட்ஸ்ஆப் ஸ்டேட்டஸாக வைப்பதற்கு பதில், ரிஸ்க் எடுக்காமல் யூடியூப் வீடியோவை ytcutter.com என்ற இணையதளம் மூலம் வாட்ஸ்ஆப் ஸ்டேட்டஸாக வைப்பதற்கு எளிய வழிமுறை உள்ளது.


யூடியூப் வீடியோ

முதலில் நமக்கு பிடித்த யூடியூப் வீடியோ URL-ஐ தேர்வு செய்துகொள்ள வேண்டும்.

அடுத்து ytcutter.com இணையதளத்திற்கு செல்ல வேண்டும்,

பின்பு நீங்கள் தேர்வு செய்த URL-ஐ பதிவிட வேண்டும்.

இப்போது யூடியூப் வீடியோ அந்த இணையதளப் பக்கத்தில் காட்டப்படும், வீடியோவில் எந்த பகுதி வேண்டுமோ அதில் கர்சரை நகர்த்தி கொண்டு வரவேண்டும்,

பின்பு Start என்பதை தேர்வு செய்ய வேண்டும் வீடியோ எதுவரை வேண்டுமோ அதுவரைக்கும் வீடியோ பார்த்து விட்டு End ஆப்ஷனை கொடுக்க வேண்டும்.

உடனே இப்போது டவுன்லோடு ஆப்ஷனை கிளிக் செய்து, எளிமையாக வாட்ஸ்ஆப்-ல் ஸ்டேட்டஸாக வைக்கலாம்.

Read More

கம்ப்யூட்டரை பென் –டிரைவ் மூலமாக லாக் செய்ய

நமது லேப்டாப், கம்ப்யூட்டர் போன்ற அனைத்திலும் தகவல் சேகரித்து வைத்திருப்போம். அவை திருடு போகாமல் இருப்பதற்காக் பாஸ்வேர்ட்(Pass word) பயன்படுத்தி கம்ப்யூட்டரை லாக்(Lock) செய்திருப்போம்.


லேப்டாப் மற்றும் கம்ப்யூட்டரில் பென்-டிரைவினை(Pen drive) உபயோகித்து நமது கம்ப்யூட்டர் அல்லது லேப்டாப்பினை லாக்(Lock) செய்யவும், அன்லாக் (UnLock) செய்யவும் இயலும்.

இதற்காக Predator என்னும் மென்பொருளினை பயன்படுத்தி பென்-டிரைவ் மூலமாக லாக் மற்றும் அன்லாக் செய்ய இயலும். இதன் மூலமாக மற்றவர்களால் கம்ப்யூட்டரை மற்றவர்களால் பயன்படுத்த இயலாது.

பயன்படுத்தும் முறை

• முதலில் Predator என்னும் மென்பொருளினை(Software) தரவிறக்கம் செய்து கொள்ளவேண்டும்.
• மென்பொருளை தரவிறக்கம் செய்ததும், பென்-டிரைவ் ஐ கம்ப்யூட்டரில் இணைக்கவேண்டும். 
• புதிய பாஸ்வேர்ட்டினை பதிவதற்காக கேட்கும். இதில் பென்-டிரைவில் நாம் பதிந்து வைத்திருக்கும் மற்ற தகவல்களோ அல்லது பைல்களோ அழியாது.
• அடுத்ததாக, பாஸ்வேர்டை பதிவதற்கான பக்கத்தில் Prefrence Window- Enter new password கொடுக்க வேண்டும். ஒருவேளை பென் –டிரைவ் தொலைந்துவிட்டாலோ அல்லது காரஃப்ட் ஆகி விட்டாலோ இந்த பாஸ்வேர்டானது கம்ப்யூட்டரை அன்லாக் செய்ய உதவும். இந்த வசதிக்காக USB Flash Drive –ல் Create key – Ok கொடுக்கவேண்டும்.
• Predator ஐ தேர்ந்தெடுத்து கம்ப்யூட்டரை ரீ-ஸ்டார்ட் செய்யவேண்டும். இதற்கு பின் உங்கள் கம்ப்யூட்டரானது ஒவ்வொரு 30 வினாடிகளுக்கும் பென் –டிரைவ் உள்ளதா என சரிபார்க்கும். இல்லையெனில் கம்ப்யூட்டர் ஆனது Log off ஆகிவிடும்.
• Predator-ல் உள்ள Pause monitoring தேர்ந்தெடுக்க வேண்டும். இதன் மூலமாக பென் –டிரைவ் மூலமாக கம்ப்யூட்டரை மற்றவர்கள் பயன்படுத்தினால் அறிய இயலும்.

Read More

உங்களுடைய டவுன்லோடு ஹிஸ்டரியை யார் நினைத்தாலும் பார்க்க முடியும்

 

சாதாரணமா பக்கத்துல இருக்குற ஒருத்தர் போன கொடுத்துட்டு போனாலே வாட்ஸ் அப் ஓப்பன் பண்ணி கேர்ள் ஃப்ரெண்டுக்கு அனுப்புன மெஸேஜ படிச்சுடுவாங்களோனு பயப்புடுறோம். நம்மளோட டவுன்லோட் ஹிஸ்ட்ரி ஒருத்தருக்கு தெரிஞ்சா? அப்படியே ஷாக் ஆக மாட்டோம். ஓசி வை-பைல படம் டவுன்லோட் பண்றது, ஃபர்ஸ்ட் டே ஃபர்ஸ்ட் ஷோ டோரன்ட்ல தான் பாப்பேன்னு அடம்பிடிக்குறவங்க எல்லாரும் கொஞ்சம் உஷாரா இருங்க. உங்களோட டவுன்லோட் ஹிஸ்ட்ரிய அசால்ட்டா எடுத்து காட்டுது iknowwhatyoudownload.com

ஒவ்வொருத்தவங்களுக்கும் ஒரு தனி IP Address கொடுக்கப்பட்டிருக்கும் அதை வைத்து தான் உங்களோட டவுன்லோட் ஹிஸ்ட்ரியா ஹேக் பண்ண முடியுமாம். இதன் மூலம் நீங்கள் பிட் டோரன்ட்டை பயன்படுத்தி டவுன்லோட் செய்யும் தரவுகளை எளிதில் பெற முடியும். என்ன டவுன்லோட் செய்தீர்கள் என்பதை அறிய முடியும். உங்கள் ஐ.பி அட்ரஸை இந்த தளத்தை திறந்தாலே எடுத்துவிடும் அளவுக்கு மேம்படுத்தப்பட்டுள்ளது.

டவுன்லோட் ஹிஸ்டரியை எப்படி பெறுவது?

உங்களுக்கு தேவைப்படுபவரின் IP Address தெரிந்தால் போதும் அவர் பிட் டோரன்ட்டில் டவுன்லோட் செய்த அனைத்து விவரங்களையும் பெற முடியும். உதாரணமாக ஒருவர் அலுவலகத்தில் எதாவது ஒரு படத்தை வேலைக்கு நடுவே டவுன்லோட் செய்கிறார் என்றால் எத்தனை மணிக்கு எந்த படத்தை எத்தனை மெமரியில் டவுன்லோட் செய்துள்ளார் என்பதை காட்டிவிடும்.

அவரது IP Address தெரியவில்லை என்றால் எதாவது ஒரு பாடல் அல்லது செய்தியின் லின்க்கை எடுங்கள். அதனை இந்த தளத்தில் உள்ள ட்ராக் IP Address பகுதியில் ட்ரான்ஸ்ஃபார்ம் செய்யுங்கள். அது ஒரு சுருக்கப்பட்ட லின்க்கை தரும் அந்த லின்க்கை உங்கள் நண்பருக்கு அனுப்பி வைய்யுங்கள். அதன் மூலம் உங்கள் நண்பரது IP Address கிடைத்துவிடும்.

கிடைத்த IP Address மூலமாக பிட் டோரன்ட்டில் உங்கள் நண்பர் டவுன்லோட் செய்த படம், பாடல், வீடியோ என அனைத்து தகவலும் கிடைத்துவிடும். பிட் டோரன்ட் உங்கள் IP Address ஐ உங்களது ஒவ்வொரு டவுன்லோடுடன் மேட்ச் செய்து வைத்திருக்கும். அதன் மூலம் ஈஸியாக உங்களது டவுன்லோட் விவரங்களை அள்ளித்தருகிறது.

என்ன ஆபத்து?

1. இந்த தளத்தில் இருந்து தரப்படும் லின்க் உங்கள் டவுன்லோட் ஹிஸ்டரியை தருகிறது என்றாலும் இவர்களும் ஹேக்கர்களே. மற்ற ஹேக்கர்களும் உங்கள் IP Address-க்குள் நுழைந்து உங்களது பர்சனல் தகவல்களை திருட வாய்ப்புள்ளது.

2. டோரன்ட் டவுன்லோட் செய்திருந்தால் மட்டுமே உங்கள் டவுன்லோட் ஹிஸ்டரி தெரியும். ஆனால் உங்களது IP Address ஐ எந்த ரிஸ்க்கும் இல்லாமல் இந்த தளம் கொடுத்துவிடுகிறது. இதுவும் சற்று ஆபத்தானது தான்.

3. சிலரது வங்கி கணக்கு, பர்சனல் வீடியோக்கள் கூட இதன் மூலம் இழக்க வாய்ப்புள்ளது.

தடுப்பது எப்படி?

நம்பகத்தன்மையான நபரிடம் இருந்து வந்தாலும் அவசரப்பட்டு க்ளிக் செய்யாதீர்கள் எந்த தகவலாக இருந்தாலும் அதிகாரப்பூர்வ தளத்தை அணுகி பெறுங்கள். ஒற்றை க்ளிக்கில் உங்கள் தகவல்களை இழக்காதீர்கள். டோரன்ட் போன்ற தளங்கள் மூலம் டவுன்லோட் செய்வதை தவிருங்கள். உங்கள் பர்சனல் பர்சனலாகவே இருக்கும்.

iknowwhatyoudownload.com இந்த தளம் ஒரு ஸ்பை தளமாகவே வகைப்படுத்தப்பட்டுள்ளது. இந்த புதிய டூல் உங்கள் மற்றும் உங்கள் நண்பரின் டவுன்லோட் ஹிஸ்டரியை வெளிச்சம் போட்டு காட்டிவிடும். பார்த்து உஷாரா இருங்க பாஸ்! VPN போன்றவற்றின் மூலம், இதில் இருந்து நீங்கள் உங்களை பாதுகாத்துக் கொள்ளலாம்.

Read More